نصف الرجال المصريين تقريبا مارسوا الجنس مقابل المال(شراء الجنس) - دراسة جديدة
(Almost half (42%) of the Egyptian men and more than half (56%) of the Sudanese men in those studies said that they had engaged in commercial sex) *
* Middle East and North Africa AIDS epidemic update Regional Summary 2007 - UNAIDS/WHO
Read the entire report
هناك أرقام أخرى كثيرة جديرة بالقراءة عن سائر الدول العربية والتي تخص فئات كثيرة من المجتمع ، الرجاء قراءة التقرير باهتمام لأن ما فيه من أرقام مفزع بحق خاصة وأنها أرقام معدلة بمعنى أن الارقام قلت قليلا باعتبار ان الارقام القديمة في السنين الماضية كانت مبالغ فيها نوعا ما وعلى الرغم من تقلص بعض الارقام لازالت مفزعة جدا
* Middle East and North Africa AIDS epidemic update Regional Summary 2007 - UNAIDS/WHO
Read the entire report
هناك أرقام أخرى كثيرة جديرة بالقراءة عن سائر الدول العربية والتي تخص فئات كثيرة من المجتمع ، الرجاء قراءة التقرير باهتمام لأن ما فيه من أرقام مفزع بحق خاصة وأنها أرقام معدلة بمعنى أن الارقام قلت قليلا باعتبار ان الارقام القديمة في السنين الماضية كانت مبالغ فيها نوعا ما وعلى الرغم من تقلص بعض الارقام لازالت مفزعة جدا
posted by ibn_abdel_aziz at 2:11 PM
21طھط¹ظ„ظŠظ‚ط§طھ:
أرقام أخري من نفس التقرير عن افغانستان
For example, over three quarters (76%) of the
male injecting drug users in the Kabul study said
that they had paid women for sex, and more than
one quarter (28%) reported having had sex with
men or boys (Todd et al., 2007).
ترجمة ما سبق
76 بالمائة
من الرجال الذين يتعاطون المخدرات عن طريق الحقن مارسوا الجنس التجاري ( اي اشتروا الجنس مقابل المال من نساء ) و28 بالمائة منهم مارس الجنس مع اطفال صبيان او رجال
كتبت وسألت ليه وموصلتش لاجابه.. توارد افكار.. بشكل ما.. عن سيكولوجية الرجل
ليه تدفع كتير لما ممكن ما تدفعش
البعض علق علي الموضوع بأن الحرام الذ!! زي شوربه ماجي وخصوصا ان الحالات اياها لا تطلب العفه.. ولا تبحث عن احتياجها الانساني
لكنها تبحث عن الترف... والتخمه.. في المتعة:(
أعتقد إن نتيجة الإحصاء بعيدة عن الحقيقة. لأنه لو نصف المصريين مارسوا الجنس مقابل المال ده يبقى معناه إن نسبة معقولة من أصحابي ومعارفي وأقاربي و.... ينتموا لهذا النصف لكن اللي أنا متأكد منه هو أنه لا أحد منهم فعل ذلك
وبرضه أنا متأكد إن أصحاب ومعارف وأقارب ناس كتير أعرفهم خارج ذلك النصف السىء
يبقي من أين جاء ذلك النصف السىء؟ عايز أقول إن الإحصاء ممكن يكون تم إجراءه بأقل التكاليف أو إنه تم إجراءه لتأكيد نتيجة مسبقة مطلوب تأكيدها
الإحصاء بتاع أفغانستان من بركات الإحتلال الأمريكي
عدي النهار
بالنسبة للرقم الخاص بمصر ، الدراسة عملتها وزارة الصحة المصرية في اطار التجاوب مع مرض الأيدز وبيتهيألي وزارة الصحة عادة بتقول كله تمام ومية مية فليه تطلع رقم فضيحة زي دي؟
اما التعلل بأن قرايبك عمرهم ما عملوا كدة فهو ما اقوله انا ايضا عن اقاربي بس في الحقيقة وهي الحقيقة المرة هو ان احدا فينا لا يعرف من اقاربه بحق
يعني اسرار الناس مهازل يا اخي الكريم
بص يا سيدي وانا من سن 18 سنة وطالع ومرورا باوائل العشرينات من عمري كنت بأم الناس في الجامع وكان من منطلق بقي اني امام وبتاع يجيلي شباب من سن 16 - 25 ويقولولي علي علاقتهم الجنسية وبيقولو ازاي يتوبوا
انا اسكن في منطقة جيدة وراقية نسبيا وفيه شباب كثير عمري ما كنت اتخيل انهم مارسوا الزنا ابدا
بعد سنتين ثلاثة بقيت مش بستبعد اي حاجة خالص
اللي عمل علاقة مع ربات بيوت واللي مع نساء غريبات من الشارع واللي مع بنات بفلوس
لدرجة ان بعضهم كان مدمن جنس
النسبة كانت عالية يا اخي الكريم
اللي بتشوفه برة ده منظر سيادتك واللي انا كنت متمسك برؤيته عشان متصدمشي بس الخبرة بقي قالتلي ان المسالة مش كدة
في المناطق الاكثر فقرا هناك بنات يبعن انفسهن في مقابل عشرة جنيه احيانا
انا رايت هذا بعيني في شارع جامعة الدول العربية وكان يوما لا يعلم به الا الله
كان عامل زي السوق فيه رقيق ابيض
اقاربي بقي يا اخي الكريم اللي انا ببص عليهم من برة واللي اخلاقه كيت ومستواه كيت وكيت
في لحظات الصفا ممكن تلاقي واحد فيهم قال شوية حاجات كدة " فخرا" و اظهارا للذكورة وتسمع قصص تشيب لها الولدان
المشكلة اننا بنخلط ما بين الزنا وما بين الزاني
الزاني يا اخي الكريم مش لازم يكون واد صايع ومتشرد وحقير وبيئة ومعندوش وظيفة وداير ورا البنات
الزاني ممكن يكون انسان عادي بار بوالديه وجيد في عمله او تعليمه ولبق في كلامه
لما بيزني مش معناه ان اخلاقه انهارت في كل شئ اخر بالعكس ده ممكن يكون من اكثر الناس صلاة وذلك لكثرة احساسه بالذنب
بل وربما يكون من اكثر الناس حديثا في الدين لان هذا يعطيه شعورا بالتطهر
حتقولي عرفت ازاي؟
حقولك عشان شفت من العينة دي كثير وسمعت اكثر
المشكلة ان يمكن محتاجين نشوف نمط معين من هؤلاء الرجال عشان نصدق
بس هما ملهمشي نمط
اي انسان محترم طول عمره بيصلي وشغله مظبوط ويمكن متجوز وعنده اسرة
في لخظة ضعف او في داخل شلة شجعته ممكن يعمل عمل زي ده ويمكن يتوب بعدها
بس وارد اوي والدراسة بتقول انه حصل بنسبه 42 بالمائة من العينة اللي اتدرست وهي عينة عشوائية قامت بها وزارة الصحة المصرية لعام 2006 وهي الدراسة اللي اعتمدتها منظمات الأمم المتحدة
انا مش بقول اني ماشي اقول فلان سوي وفلان عمل
لأ طبعا ومش بحكم علي الناس بالطريقة دي
بس اللي بقولهولك ...الدنيا مش وردي كدة خالص
في الحقيقة مش وردي علي الاطلاق
ودلوقتي يا بنت القمر اقل بكثير كمان
المتاجرات بالجنس التجاري قد يبعن اجسادهن احيانا في مقابل 10 جنيه خاصة لو كانت فقيرة جدا
وانا ارفض تسميتهن عاهرات لان وصفهن بعاهرة هو حكم عليهم بانهن قذرات
واكثر هؤلاء البنات يضطرون لبيع انفسهن لاسباب عدة ومنها الفقر وكذلك اكراه المجتمع لهن علي ذلك
من الاسباب التي تؤدي الي ان تبيع امراة جسدها هو حرمانها الطبيعي من حقها في الزواج
وفي مقالة قرأتها في جريدة مصرية من عدة سنين كانت حادثة عن فتاة مطلقة في سن 24 امتنع عنها الخطاب بعدها لسبع سنين بسبب الوصمة اللعينة حتي سقطت مرة في الزنا بسبب غواية رجل يعرف انها مطلقة وبدل ميروح يتجوزها راح يراودها عن نفسه عشان هو انسان واطي
ولما سقطت وانهارت تماما
باعت نفسها مقابل المال بما انها وقعت وقعت
فلما لا تكسب مالا تقيم به بيتا ذلك البيت الذي ابي رجال مصر الأباة والشرفاء في بنائه بالحلال عشان الوصمة بتاعة الطلاق
انا اشعر بالغضب من كل من كرس هذا الوضع وشارك فيه واعان عليه
فكلهم مجرمون والله حتي وهم لا يشعرون
برضة فيه عندي تساؤل يا عدي النهار بخصوص تعليقك علي ارقام افغانستان
انت قبلتها بدون اي اعتراض ونسبتها فورا للاحتلال الامريكي بدون دليل او علي الاقل دراسة ايضا تدعم هذه الفكرة
وانا مش ضد ان ممكن يكون تواجد امريكا في افغانستان سبب لزيادة انتشار ظاهرة الجنس مقابل المال
بس دراسة افغانستان تم اجراءها علي فئة متعاطي المخدرات بالحقن الوريدي
IDUs
وبالتالي النسبة عالية قوي لان هذه الفئة تمارس الجنس بشكل اكبر من فئات اخري بسبب ان المخدرات تسبب تغييب للوعي
يعني نسب مصر والسودان دي نسب عامة علي فئات متعددة وعشوائية من الشعب
نسب افغانستان معمولة لفئة واحدة بس وبيسموها مجموعات اكثر عرضة للاصابة بفيروس نقص المناعة / الأيدز
لذا لزم التنويه
ازيك ياشريف؟ يارب تكون بخير وسعيد
مش عارفة ايه العلاقة بس اول مقريت كلمة افغنستان افتكرت فلم امريكي افغاني اسمة اسامة
نفسي تشوف الفلم ده ياشريف
الرقم صحيح مخيف جداااااااااا بس متهيألي حقيقي جدا لانك زي مقلت منعرفش عن اللي حوالينا حاجة ولا هما يعرفوا عنا
الراجل الذوق اللي بيركن عربيته جمبك او المدام الشيك اللي ساكنة في الدور اللي فوق او الولد الخجول اللي من البيت للجامع ومن الجامع للبيت
بالظبط زي ماهما مش عارفين عنا حاجة
المشكله في رأيي مش حكايه اخلاق
حكاية اشباع
ليه الاشباع العاطفي اولا والجنسي ثانيا بقه صعب الحصول عليه في الاطار الطبيعي؟
الاسباب كتير
اوي
انا خايف ان نبوءتك اللي انت قلتها في تعليقك على مدونتك السابقة تتحقق وهي ان بعد عشرين سنة من دلوقتي تتحول علاقات البوي فريند والجيرل فريند الى علاقات عادية ولو اني اعتقد ان النسبة المخيفة اللي ذكرتها وزارة الصحة المصرية كما قلت حتقلل العشرين سنة دي كمان وربنا يستر
ازيك يا نانسي :)
انا شفت فيلم اسامة وهو من اكثر الافلام ايلاما لتلك الفتاة الافغانية التي تظاهرت بانها ولد لكي تعرف ان تعيش
انا عارف ان ممارسة الجنس يقع ضمن الاحتياجات ولو متوفتشي ضمن الاطار الزواجي الناس حتدور عليها خارج اطار الزواج وقد يمارس الشخص الجنس لاسباب اخري كثيرة
الشاهد ان اي شخص لديه هذه الاحتياجات وقد يسلك سلوكا معينا للحصول عليها
متقلقشي يا احمد
هو الزواج العرفي المنتشر جدا الان في وسط طلبة الجامعة ما هو شكل من اشكال البويفرند جيرل فريند بس بتاعنا احنا
كمننا يعني متدينيين والزنا كلمة بتوجعنا فبنخبيها بكلمة جواز عرفي
وان كنت اعتقد ان الشباب اللي بيعمل كدة بيكون في حالة احتياج رهيبة وهو يبحث عن مصرف لشهوته وعواطفه
بص انا ف اعتقادي ان كل من يعقد الزواج يساهم في تكريس العلاقات غير الشرعية ويشيع الفاحشة ويظلم
وكل من يعبد العرف ويقدمه علي بساطة واصولية مبادئ السنة فهو يامر بالمنكر وينهي عن المعروف
وللاسف من يفعلون هذا غير واعين بشئ
ولا يستوعبون حتى الكلام الذي نقوله هنا ربما
الأمثلة التي ذكرتها ياشريف صادمة فعلاً وتثير الشك فى الناس لكني عندما أقول أني "متأكد" فذلك بناء على مشاهدات وعلاقات طويلة طبعاً لا تنفذ دائماً لأسرار الناس بس إحنا فى الآخر لنا ما نراه
خد بالك إننا بنتكلم هنا عن زنا مش معاكسة أو أى شىء آخر. لو نصف الرجال المصريين زناه ده معناه إن فى نسبة كبيرة من النساء زيهم. لو ده حقيقي المجتمع كان زمانه أحط بكثير مما هو عليه
أنا مأخذي على الإحصاءات دي إنها بتحتاج وقت ومصاريف مش قليلة وناس مهتمة وفاهمة علشان تعبر عن صورة قريبة من الواقع ومش متأكد الحق إن ده توفر للإحصائية دي
ممكن مثلاً مجموعة تلف على البارات فى مصر وبعد كده تخرج بنسبة تقول إن كل المصريين بيشربوا خمور. إحنا مانعرفش إحصاء وزارة الصحة تم على أى أساس.. صراحة مش قادر أثق فى النتائج دي
بالنسبة لأفغانستان الأمر محسوم بأنها دولة محتلة وأى محتل بيعمل أى شىء للسيطرة على الناس. أول ما تذكرته عند قراءة الإحصائية هو خبر شاهدته فى السي إن إن بمجرد إحتلال أفغانستان كان عبارة عن لقطة فى أحد شوارعها تعبر عن "الحرية".. شاشة تلفزيونية تعرض فيلم المشهد اللي عرضته المحطة
rated R
ومجموعة أفغان ملتفين حول الشاشة وبيهللوا. يعني شعب مكبوت ومحتاج ومتبهدل لسنين ممكن يتعمل فيه أى حاجة
This post has been removed by the author.
عدي النهار
موضوع الظاهر ده هو مسالة محسومة عشان كدة احنا مش بنمشي نرمي علي الناس تهم طبعا والا حنقذف الناس كلهم وده مينفعشي
بس انا حبيت اقولك ان الظاهر يخفي الكثير والكثير جدا جدا
من تجربتي انا الشخصية ان من الذين ارتكبوا الزنا علي الاقل بطريقة شراء الجنس كانوا كثيرين الصلاة والصيام ومنهم شباب في منتهى الادب والاخلاق بمعنى انه لو دخل بيتك يطلب ايد بنتك او اختك مش حتشك ف لحظة انه عمل كدة
لان فاحشة الزنا مش موضوع يخليك لو عملته مرة تبقي انسان وحش وفاحش وماشي في الشارع بتدور علي ستات
كثير ممن ارتكبوا هذه المعصية ارتكبوها في لحظات ضعف او تشجيع اصحاب او ضغط واحتياج او اسباب كثيرة
وممارسة الجنس مقابل المال مسالة سهلة ورخيصة جدا
يعني لما تبقي السلعة نفسها رخيصة مشتريش ليه منها وهي متاحة ومتوفرة ؟
في منطقة من المناطق التي عشت فيها فترة كان فيها شاب مثال للادب والاخلاق
وكنت اعرف انه مارس الزنا علي الاقل ست او سبع مرات ومع نساء محترمات جدا ومرة منهن مع بنت ليل
عرفت ازاي؟ عن طريقه هو شخصيا في لحظة اعتراف وفي جلسة كنت انا قاعد فيها وكان الكلام موجه لشخص اخر غيري
الشخص ده متدين جدا ومراته منتقبة كمان ولا اعتقد انه يفعل ذلك الان او انه يرتكب الزنا
الشاهد انك حتعرف ازاي؟ من شكل الشخص واللا من طريقة كلامه واللا من ايه بالظبط؟
ما فيش دلائل تدين الشخص اللي بيزني اطلاقا
نرجع لموضوعنا بقي الا وهو ان الاحصائية اصلا اتعملت في اطار الوقاية من مرض الايدز وده مجال شغلي والاحصائيات دي انا بشوف زيها كثير وليها معنى عندي وبتاثر في طريقة عملي والقطاعات اللي بشتغل معاها
عاوز اقول ان الارقام دي اقسمها حتي علي اتنين لتخفيف وطأة الصدمة شوية ستجدها لازالت عالية جدا
لا توجد احصائية شبيهة بالنساء لانه لايوجد تقريبا رجال يبيعون الجنس مقابل المال للنساء او للرجال
بمعني ان عدد " بنات الليل" اكثر بكثير جدا من الرجال اللي بيمارسوا نفس المهنة ان وجد
وبالتالي الاحصائية اتعملت علي الرجالة
هل بقي فيه نسبة متساوية من النساء مارست الزنا؟ مش عارف وليس عندي ارقام
وان كنت اميل ان الرجل اجرأ علي هذه الفاحشة من المرأة بكثير لطبيعته
انا هنا مش كاتب الارقام دي للحكم علي الرجال اللي عملوا كدة انهم كويسين او وحشين
مش دي القضية الان
ولكن القضية عندي ان هذا العدد الكبير يمارس الزنا ويقوم بجريمتين
جريمة الزنا وجريمة التعرض لنقل مرض الايدز وغيره من امراض او نقله لغيره وهي جريمة قتل بالطبع
لان الاصابة بفيروس نقص المناعة يعني انك مريض بمرض لا شفاء منه حتى لو انه علاج يطيل عمرك فترات طويلة جدا ما بين 20 الي 30 سنة ويجعلك تحيا حياة طبيعية الا ان كثير من المصابين لا يعرفون انهم مصابين
وكثير من المصابين العارفين بالاصابة لا ياخذون الدواء اصلا
النقطة الثانية هو احساس المجتمع بالامان لكثرة المصلين والمحجبات وبرامج الدين والذي منه وفي الحقيقة كلها مقاييس خادعة لحقيقة ما يجري
ونقطة ثالثة وهي تتعلق بموضوع الوصم
فكما اني ضد وصم من يرتكب فاحشة الزنا وكل ما اعتبره هو انه عاصي له ان يتوب وعليه ان يستر نفسه ولا يجهر بما فعل ويعزم علي الاقلاع عن ذلك
فاذا كان نسبة كبيرة من رجال مصر مارسوا الزنا ياتون لبناتنا واخواتنا ليتزوجون ونقبلهم لانهم يحملون خانة " اعزب " علي البطاقة
فكيف نضيق علي من يحمل خانة " مطلق " ونمعنه من الزواج او " مطلقة " ونضيق عليهم معايشهم ونحرمهم حقهم الطبيعي من ان يكونوا متساوين مع غيرهم من العزاب في الزواج ؟
لان الله امر بالبحث عن ذي الخلق والدين وهذا لا علاقة له بحالة اجتماعية
فقط اردت ان اسلط الضوء علي خيبة من خيباتنا الكبيرة اللي بتخلينا نعتقد اننا علي الطريقة ...ونحن ابعد ما نكون عن طريق الله بحق
السلام عليكم شريف
هل هناك طريقه لمعرفة حجم و نوعية العينه التي تم عليها البحث؟
وزارة الصحه وزاره غلبانه، من الممكم أن يكونو أجروا الاحصاءات على مرضى الايدز و لم يقولوا هذا في التقرير
ثقافة شراء الجنس في مصر ليست منتشره لهذا الحد، اذا كان 42% اشتروا الجنس، اذن على الأقل مثل هذه النسبه مارسوا الجنس الحرام مع صديقاتهم أو معارفهم
وبالتالي معظم رجال الشعب المصري زناه و نساءهم زواني!
أعرف أن المجتمع فيه مصائب كثيره، و لكن الجنس بهذا الشكل يحتاج الى ثقافه ترضى عنه مثل ثقافة الغرب
حتى لو كنت لا تخاف الله، ستخاف المجتمع
منتظر أي أخبار عن الاحصائيه
السلام عليكم
ازيك يا عمر عامل ايه في بلاد تنصف المظلوم ولو بعد حين ؟
بص يا سيدي الدراسة اصلا اللي عاملاها وزارة الصحة عاملاها علي قطاعات متعددة
مثلا معمولة علي المجموعات الاكثر عرضة للاصابة زي مين ؟
متعاطو المخدرات بالحقن الوريدي
الرجال الذين يمارسون الجنس مع الرجال
الرجال الذين يشترون الجنس بمقابل
الدراسة محددة ...بمعنى انهم بيحاولوا يحددوا نسبة كل فئة في مجموع الشعب لمعرفة مدى خطورة انتقال مرض الأيدز في الفئات دي وفي الشعب بشكل عام
عشان كدة قلت اقروا التقرير كله وحطيت لينك ليه عشان الناس تقراه وهو مش كبير قوي يعني ممكن يخلص في ساعتين لمن اراد الاستزادة
حتلاقي مثلا دراسة حول فئة الرجال اللي بيمارسوا الجنس مع الرجال وتشير الدراسة ان نسبة انتقال فيروس نقص المناعة في الفئة دي حوالي 6 في المائة
يعني ارقام واضحة
لما جم يعرفوا عدد الناس اللي بيمارسوا الجنس مقابل مال ...يعني بالبلدي اللي بيدفع فلوس لبنت ليل عشان يمارس معها الزنا
لقوا ان 42 % من العينة اللي فحصوها عملوا كدة
العينة المذكورة عينة عامة عشوائية يعني مش فئة محددة
ياتري فيه اخطاء في الدراسة ؟
يمكن
بس حتي لو قسمت الرقم المعطي علي 2 لا يزال الرقم اللي عندك مخيف
وفي ظل الشره الجنسي المنعكس في شكل تحرش جنسي وبائي و مرضي لا استبعد ان يكون الزنا متفشي بشكل كبير جدا
والله اعلم
انا اؤكد لك واجزم لك
ولو تحب احلف لك
اني م النص التاني
تحياتي والسلام
تعليقك على عدي النهار
صدمني حتى النخاع
لا تعليق وفقط
أدم المصري
اشكرك على المرور
:)
يا سيدي مش محتاج تحلف ولا حاجة
وفي النهاية من أنا لأحكم علي الناس ..مش دي القضية علي الاطلاق
ولو افترضنا انا او انت او غيرنا سقط يوما في معصية كتلك ثم تاب وتاب الله عليه ...مش حنعلق مشانق للحكم علي الناس
ليس القصد من هذا البوست هو الادانة بل القصد هو الاخبار بالواقع لتعريف الناس حجم المشاكل التي يتعمدون تجاهلها ويعتبرون اننا محصنون ضد الفواحش والكبائر بسبب خداع المظاهر
اضف الي ذلك كوننا بشر عاديين نصنع ما يصنع الناس احيانا ولسنا معصومين لكوننا في اغلبية مسلمة او لكوننا نصلي ونصوم
الواقع قد يكون صادم ولكنه ...واقع
شهيدة
صدمك من حيث انك كنتي تظنين ان الوضع افضل من كدة بكثير ؟ وانا شوية خضيتك ؟
:)
مش قصدي وربنا ..بس هو الواقع المستتر اسوأ مما يعرفه كثير من الناس
في الحقيقة انا ليه مش مصدوم من الاحصائيات؟
لاسباب عدة
منها ان البلاد متدهورة علي كل المستويات وهذا التدهور كلي وليس جزئي وعادة في وجود مجتمع شكلي منافق محافظ يعبد العرف ويكرس الجائر من العادات والتقاليد تتفشي الجرائم وارتكاب الكبائر بالاضافة الي اشياء اخري مثل خراب الذمم والضمائر وكل شئ
ومنها ان معدلات التحرش الجنسي عالية جدا وبالتالي الشره الجنسي عند الرجال في مصر واضخ ومستفز وبالتالي هناك ميل للتعدي ولو اتيحت الفرصة لممارسة الجنس بالشراء مقابل شوية جنيهات فلما يرفض الشاب وهو اصلا مشحون جنسيا ؟
ومنها ان الحرام ايسر الف الف مرة من الحلال سواء بسبب سوء الظرف الاقتصادي او لتعنت الاسر او لتفشي الظالم من العادات المقيدة للزواج وتيسيره او لغيرها من اسباب
ومنها تفشي نوعية من الفن اللي بيسموه فن وهو بورنو في كل الفضائيات وفيه كم فظيع من العري والحث عليه
ومنها ايضا الانترنت التي تمكن اي شخص في سرية تامة رؤية الاف الصور الجنسية والافلام
ومنها ومنها ومنها
ما نحن فيه هو واقعي جدا جدا
والغريب ان الكثيرين كانوا يظنون اننا في مأمن
ولكننا بشر وبالتالي يصيبنا ما يصيب الناس
Post a Comment
<< Home