مسلم ومسيحي
علي هامش مبادرة معا أمام الله
مصارحة ومصالحة
.................................
حط بسمة علي وشي وهو بيهنيني بنجاحي في الكلية وياخدني بالحضن
مد ايده وعداني الشارع
عرض علي مساعدة في الشغل
جالي يوم العيد وهناني
شاركني في أحزان موت عزيز علي
نصحني نصيحة نفعتني
وصاني أروح لدكتور شاطر
جه معايا السيما وشفنا الفيلم اللي ناس كثيرة بتتكلم عليه
بيروح معايا الشغل ويروح معايا في نفس الطريق
بيركب معايا الميكروباس ونقعد نهزر
حد من قرايبه كان بيتجوز وعزمني
اتصل بي مرة وقاللي انا مهموم وعاوز احكي
بكى مرة قدامي فحضنته
اتعصبنا مرة ف موضوع واختلفنا جيت اعتذر لقيته بيعتذر لي في نفس الوقت
وصلني لحد البيت بعربيته
عزمته علي العشا في بيتي
كان فيه وظيفة كويسة فوراني ازاي ممكن اقدم عليها
اتصل بي وقاللي وحشتني يا اخي بقالي اسبوعين مشفتكش
كلمته من يومين عن موضوع ودردشنا بتاع 3 ساعات
اخذته للمقاول اللي اعرفه عشان يعمله شقته
قعدنا جنب بعض في المترو
مشيت انا وهو من أول الكورنيش لآخره نتكلم في مواضيع شخصية
قابلني علي القهوة وأصر يعزمني
لما بسمع خبر اتصل بيه اشوف رأيه ايه
بيسألني عن اهلي عاملين ايه وبطمن عليه وعلي اسرته
بنعيد علي بعض علطول
مش فاكر ايه تاني بس يعني ممكن تقول انا وهو مع بعض علي طول
فيه بس مشكلة صغيرة ، مع اني انا وهو مكناش عارفين انها مشكلة بس الظاهر طلعت مشكلة عند ناس كثير
والمشكلة انه انا مسلم وهو مسيحي
مكنتش حاسس بالفرق لحد ما قالولنا انتم بتعملوا كدة ليه ؟
فقلنا بنعمل ايه؟
مفهمناش قصدهم ايه ولا فهمنا هما عاوزين ايه لحد ما في يوم لقيت خناقة في الشارع ما بين اتنين علي مكان ركنة العربية
وفجاة لقيت الموضوع قلب فتنة طائفية
اصل اللي كانوا بيتخانقوا واحد مسلم وواحد مسيحي
بس انا كنت فاكر اللي بيتخانقوا واحد شخص بني ادم وواحد شخص بني ادم تاني
حد فيهم غلط وحد صح مش عشان حد فيهم مسلم وحد فيهم مسيحي
عشان دي ركنة عربية
لحد دلوقتي مش فاهمين هو فيه ايه
طب ممكن تفهمونا بعد اذنكم ؟
لو كنت مسلم خش هنا
مصارحة ومصالحة
.................................
حط بسمة علي وشي وهو بيهنيني بنجاحي في الكلية وياخدني بالحضن
مد ايده وعداني الشارع
عرض علي مساعدة في الشغل
جالي يوم العيد وهناني
شاركني في أحزان موت عزيز علي
نصحني نصيحة نفعتني
وصاني أروح لدكتور شاطر
جه معايا السيما وشفنا الفيلم اللي ناس كثيرة بتتكلم عليه
بيروح معايا الشغل ويروح معايا في نفس الطريق
بيركب معايا الميكروباس ونقعد نهزر
حد من قرايبه كان بيتجوز وعزمني
اتصل بي مرة وقاللي انا مهموم وعاوز احكي
بكى مرة قدامي فحضنته
اتعصبنا مرة ف موضوع واختلفنا جيت اعتذر لقيته بيعتذر لي في نفس الوقت
وصلني لحد البيت بعربيته
عزمته علي العشا في بيتي
كان فيه وظيفة كويسة فوراني ازاي ممكن اقدم عليها
اتصل بي وقاللي وحشتني يا اخي بقالي اسبوعين مشفتكش
كلمته من يومين عن موضوع ودردشنا بتاع 3 ساعات
اخذته للمقاول اللي اعرفه عشان يعمله شقته
قعدنا جنب بعض في المترو
مشيت انا وهو من أول الكورنيش لآخره نتكلم في مواضيع شخصية
قابلني علي القهوة وأصر يعزمني
لما بسمع خبر اتصل بيه اشوف رأيه ايه
بيسألني عن اهلي عاملين ايه وبطمن عليه وعلي اسرته
بنعيد علي بعض علطول
مش فاكر ايه تاني بس يعني ممكن تقول انا وهو مع بعض علي طول
فيه بس مشكلة صغيرة ، مع اني انا وهو مكناش عارفين انها مشكلة بس الظاهر طلعت مشكلة عند ناس كثير
والمشكلة انه انا مسلم وهو مسيحي
مكنتش حاسس بالفرق لحد ما قالولنا انتم بتعملوا كدة ليه ؟
فقلنا بنعمل ايه؟
مفهمناش قصدهم ايه ولا فهمنا هما عاوزين ايه لحد ما في يوم لقيت خناقة في الشارع ما بين اتنين علي مكان ركنة العربية
وفجاة لقيت الموضوع قلب فتنة طائفية
اصل اللي كانوا بيتخانقوا واحد مسلم وواحد مسيحي
بس انا كنت فاكر اللي بيتخانقوا واحد شخص بني ادم وواحد شخص بني ادم تاني
حد فيهم غلط وحد صح مش عشان حد فيهم مسلم وحد فيهم مسيحي
عشان دي ركنة عربية
لحد دلوقتي مش فاهمين هو فيه ايه
طب ممكن تفهمونا بعد اذنكم ؟
لو كنت مسلم خش هنا
ولو كنت مسيحي خش هنا
مدونات ذات صلة
Labels: مصارحة ومصالحة، معا أمام الله
posted by ibn_abdel_aziz at 11:41 AM
20طھط¹ظ„ظŠظ‚ط§طھ:
متهيألي شئ معبر عن المشكلة اكتر من اي استفتاء .....هو هذا المقطع
http://www.youtube.com/watch?v=HpeFdx6HvLY
هو مش لاحباط المبادرة لكن تقدر تقول مدخل لماذا يفكر من هم مثلي ومن نوعيتي خاصة اني اظن انه تكون عني فكر التعصب والتطرف واليمينية الشديدة - للأسف ولكن لن اغيره لمجرد الارضاء -
كنت اقول هذا الفيديو يبين لماذا تكون رأي مضاد بهذه الشدة
هذا الرأي المضاد ليس خوفا بل على العكس اظن ان من هم على نفس الشاكلة يتمنون السلامة نعم ولكن مع هذا الفكر يتمنون لو ينقض النظام الحالي ليهلك من هلك عن بينة ويحيى من حي عن بينة
فلا يعقل ان يعيش بين ظهرانينا من يفكرون بمثل هذه الطريقة من جيراننا وزملائنا ويتحينون تمزيقنا كما جاء فيه
مع ان فكرنا مهما وصل من الاصولية والتشدد كما يزعمون لا يصل لهذا المدى باي حال من الاحوال
وجزء من المشكلة الرد المبدئي الذي اتوقعه منكم هو انه يوجد متطرفين من الجانبين وان هذا الفكر لا يعبر عن الجميع
ا اتقوع طبعا انكم ستذهبوا لمستوى انكار ان يكون المتكلم نصرانيا كما تفعل الحكومة
هذا ايضا جزء من المشكلة لانه كما قلت مهما بلغ التطرف عندنا لا يصل لهذا الحد هذا اولا....ثانيا هذا الفكر لا يعبر فقط عن المتطرفين واظن انه ظهر في احداث محرم بك مدى كمية الكره والعنف الداخلي وفكر الاضطهاد عن الاقباط
عندما نربط هذا بما حدث في دولة مثل البوسنة مثلا ...عندما تحول من هم جيران المسلمين في يوم وليلة - بل كان الامر يتجاوز احيانا الى الزواج المختلط للمسلمات من نصارى الصرب كما يدعو بعض المسلمين حتى الان من المساواة والمدنية كنت اقول على الرغم من هذه العلاقات الوثيقة فقد كانت المليشيات الصربية من جيران واصدقاء ونسايب وجيران المسلمين وكلنا نعرف ما حدث في البوسنة
وصرب البوسنة ايضا ارثوذوكس
ولهذا فالأصح ان نظل متسمكين بقيمنا وبأصل ديننا في التعامل المتوازن مع النصارى واهل الكتاب عموما
ليس بالانغلاق ولكن بالمعروف والاحسان ولكن ليس ايضا بالانفتاح الشديد واطمئنان الجانب
نسيت اقول الحل واصل المشكلة في رأيي...لكن منتظر تعليقك \ تعليقكم اولا انت واصحاب المبادرة بعدما تتناقشوا في ما قلته منذ قليل
شريف أنا بقالي ساعة بكتب ومعملتش ثلث الأستبيان، لازم تغيره شكله وتخلوه في شكل أختيارات أغلبه وألا محدش هيعمله...
أنا هكمله لأني مقتنع بلي بتعمله لكن محدش كتير هيصبر يعمله...
ازيك يا صارم
بص يا سيدي
اولا انا احب اتكلم بالنيابة عن نفسي انا وبس في الرد عليك لأن ردي - وان كنت عضوا في هذه المبادرة - هو تعبير عن فهمي أنا وحتي لا أحمل المبادرة ولا من فيها عبء هذا الرأي بصحه وخطئه
بل ولأني اكتب في مدونتي وليس علي موقع المبادرة الرسمية فيظل ما في تدوينتي رايي الشخصي مهما قارب او باعد من ملامح المبادرة العامة
فارجوك شيل كلمة " انتم " دلوقتي
وكلم شريف عبد العزيز مؤقتا
ثانيا : المبادرة اسمها ايه؟
مصارحة اولا
ثم مصالحة
وهي من اجل ان نصل الي اننا بني ادم وحواء نقف جميعا امام الله
وانا هنا اتجدث عن مصر وليس لي شأن بمذابح الصرب المسيحيين في حق البوسنويين المسلمين
ولا مذابح الاندونيسيين المسلمين في حق التيمورين الشرقيين المسيحيين
ولا مذابح السودانيين العرب في حق السودانيين الافارقة في دارفور
ولا مذابح المسلمين الاتراك في حق المسلمين الاكراد
ومذابح الشيعة العراقيين في حق السنة العراقيين او العكس
ليه المصارحة اصلا؟
عشان فيه شك وريب واتهام وانغلاق وفزع وسوء فهم او كراهية مبنية علي حقائق او اوهام
المصارحة يعني قل ما في قلبك كما هو
ولننظر فيه ما هو فيه مبني علي وهم او حقيقة او خليط بينهما
اتصارح يعني مد جسر ثقة اولي
والرضا باي كلام يقال
مهما كنت تظن في بدايته انه كلام فارغ وغير معقول
هذه المباردة ليس هدفها الطبطبة ولا الملحسة ولا القاء اللوم المسبق علي طرف دون الاخر
يجب ان تعرف تاريخ المبادرة لتعرف كيف بدأت وما اهدافها ولماذا قامت وماذا تريد ان تخقق ان استطاعت
مجموعتنا المتواضعة جلست سنىة كاملة تتحدث فيما لا يجرؤ ان يتحدث فيه الكثيرون في مصر وبدلا من ذلك يعود كل فريق الي فريقه يتحدث عن الاخر فيزداد كرها وعزلة
احنا اكتشفنا اشياء كثيرة قوي
واكتشفنا قوة الاشاعة
حاولنا نفهم ايه رد فعل لايه
وليه حصل الفعل الفلاني اصلا
وكان ممكن تلافيه ازاي
لقينا نفسنا بنتكلم ونتواد ونتفاهم بل ووجدنا انفسنا نتحول الي بشر افضل
انا شخصيا ازددت ايمانا بعقيدتي ووضح لي فيها مبادئ كنت اؤمن بها نظريا ثم تحولت الي العملي
تعلمت الا اخاف من الحديث مع الاخر وان هذا يقويني انا شخصيا
تعلمت ان احب الانسان الذي خلقه الله كما احب نفسي
وتعلمت ان افضل الطرق لحل اي مشكلة هو التصارخ والمواجهة بلا لف ودوران
الفيديو الذي وضعته سواء صح او غلط سواء متلفق او عامله ناس بجد
هو نتاج نهائي
ونحن نبحث فيما قبل النتائج
لا تتسرغ وانتظر المبادرة ليست فقط سيرفاي
بل نقاط عديدة
ومع الوقت ستتضح قوة التصارح
وعندها فقط سنعرف الي اين نمضي
تريب كيفما شئت ...واطمئن عندما تستطيع الاطمئنان
خذ وقتك
تجربتنا نعرضها امام الناس ليقوموا بتقييمها وتعديلها بل والمشاركة فيها
وفي النهاية نحن نبحث عن الحكمة بأفهام العقلاء
نحن نبحث عن حلول
ومن هنا بدأنا
بالتصارح
والله اعلم
شريف
مفهوم جدا ان المبادرة مصارحة ولهذا خبطت اول ما خبطت هذا الفيديو اللي انا شايفه جاي من الآخر
وهو ليس ملفق وانت تعلم جيدا انه ليس ملفق وانه ايضا جزء صغير من الحقيقة...فياريت لا تكرر اسلوب الحكومة
بعيدا عن الموضوع..ما ذكرته من مذابح من باب التعلم من التاريخ وانت تعلم رأيي فيمن لا يتعلم من التاريخ خاصة مع شبه تطابق المعطيات
ما علينا
كنت اقول هي مبادرة مصارحة
ومن باب المصارحة اقول لك ياشريف وياريت تناقشها مع اطراف المبادرة
السبب في رأيي الذي ادى لهذه النتيجة هم القساوسة
القساوسة الذين انصرفوا عن تعليم مكارم الاخلاق والاتقان و و و...واستبدلوها باحاديث الاضطهاد والشحن المعنوي للاقباط
كان من نقاط القوة في نصارى مصر هو حرية الكنيسة في تربيتهم وهذا كان يعطي بعد جيد في التعامل الاخلاقي
الآن الامور اختلفت كثيرا في هذه النقطة حتى فيما بينهم وليس فقط في تعاملهم مع المسلمين ...والمشاهدات كثيرة جدا
القساوسة هم السبب في رأيي وحواراهم طائفي وتحريضي من كبيرهم لصغيرهم ال نادرا... ومن هنا يكون الحل
والحل لن يكون سهلا لان لهم مكانة كبيرة عند شعب الكنيسة كما يسمون انفسهم - براحتهم - ولكن لمقاومة هذا الخطاب التحريضي سيتطلب الامر اكثر من حوار ومبادرات
والحل يكون على مستوى دولة بمراقبة محتوى ما يبثونه لابنائهم في الكنائس
اتمنى ان تكونوا تبحثون عن الحقيقة بأفهام الواقعيين ايضا ولا تكون بفكر الحالمين
This post has been removed by the author.
This post has been removed by the author.
This post has been removed by the author.
و ياترى الفيديو ده هو المبادرة بتاعتك للرد على مبادرة المدونين يا صارم؟
http://www.youtube.com/watch?v=wqVtTcU34vg&feature=related
كان من نقاط القوة في نصارى مصر هو حرية الكنيسة في تربيتهم وهذا كان يعطي بعد جيد في التعامل الاخلاقي
يعنى عاوز تقول اية ؟؟
ليس دفاعا عن نفسي لكن لعلك عايز تعرف وجهة نظري بجد
الفيديو بتاعي كان من باب المصارحة ...متهيألي محتاجين يعرفوا وجهة نظر من يسمونهم متطرفين - هم\ انتم تسمونهم متطرفين - من المسلمين.....ويعرفوا ده مبني على ايه
وعاوز اقول ان اخلاقيات النصارى لم تعد مثلما كانت..وتعاونهم وكرمهم وشهامتهم بقت نادرة...مش عاوزين من حد حاجة ومش مستنيين من حد حاجة....بس متهيألي يبقى افضل للمجتمع كله اما كل طائفة تهتم بالجانب الانساني في لتعامل
اصل الاسلام يقول كده...واصل المسيحية تقول كده
في الوقت الذي كان يتم التضييق على كل ما هو اسلامي ....ومراقبة المساجد والواعظين.....كانت الكنيسة واخدة راحتها في تربية ابنائها وده انعكس على اخلاقيتهم وطريقة تعاملهم مع المجتمع وعمل لهم سمعة كويسة
لاني مؤمن ان اصل الدين جيد....ومؤمن في نفس الوقت ان المسلم الصحيح خير بكثير من النصراني الصحيح...لكن اما المسلم لا يربى على اصل الاسلام يكون النصراني المربى على خلق المحبة النصرانية قد يكون افضل منه في تعاملاته واخلاقياته في المجتمع..وفي كل حال هذا افضل للمجتمع..هذا هو ما يسمونه السلام الاجتماعي الحقيقي
لكن دلوقت الناس مشغولة بأهازيج الاضطهاد
هل اقول ان الله لا يصلح عمل المفسدين...ام انهم ينظرون الآن في الاتجاه الخاطئ
كلا هاتين الفكرتين صحيح من وجهة نظري
هذا الاتجاه الخاطئ الذي ان دمر فسيدمرهم هم اول من يدمر ....لانهم لا يزنون الأمور بمقياس صحيح ...وهذا ليس تشفيا ولا اتمنى ان تصل الأمور لهذا الحد
لكن ما اراه ان قساوستهم يدفعون الأمور لهذا الحد..وبما لرجال الدين عندهم من مكانة فالتأثير قوي كما هو متوقع...مثلما يحدث ان اخطأ رجال الدين عندنا ايضا في التوجيه
ياريت نتعرف بدل من نظرية المجاهيل دي..على الاقل بصفتك كمدون
بالعكس أنا شايف أن المسلمين هم اللى اتغيروا و ما باقاش عندهم أخلاقيات زى زمان ...و مش من زمان قوى الستينات كانت أحسن بالنسبة للاسلام نفسه : بص أى حفلة لأم كلثوم ...بص الناس اللى فيها ...تقدر تفرق مسلم من مسيحى ...طيب بص على الستات اللى قاعدين ....بلاش تبحلق قوى (: ... تقدر تقول أن أى واحدة من اللى قاعدين و مش ملتزمة بالزى الاسلامى ما عندهاش أخلاق ؟؟؟ أنا متأكد أن كل الرجالة المسلمين اللى قاعدين يتفرجوا على أم كلثوم بيصلوا و يصوموا و الستات كمان و ان أخلاقياتهم كانت عالية جدا والستات ملتزمات بالاحتشام و احتكاكنا بيهم كان أكبر بكتير و ما كانش ساعتها فيه أى فتن و كان المشترك أكبر بكتير ...ياترى يعجبك النموذج ده ؟؟؟ أنا شخصيا شايف أن شريف صاحب المدونة نموذج مثالى للمسلم و المسيحى ...الفكرة أن انت أصلا مش قابل المسيحية و بتجتهد فى ايجاد المبررات لكراهيتك الفظيعة للمسيحيين ...على أساس فساد عقيدتهم أو على أساس فساد المسيحيين ....و لو شريف جاب لك نموذج أو مثل تمسك فى الامبراطور قسطنطين و مجمع نيقية يعنى بتخلط الدين بالمجتمع بالمعتقدات بالمشاكل اليومية و النهاية اللى تريحك : الامبراطور قسطنطين هو السبب فى كل مشاكل الأمة الاسلامية ...ده كلام يا راجل ( على فكرة فكر أريوس مش متطابق مع العقيدة الاسلامية بأى صورة )
شفت مرة صور جمال عبد الناصر مع البابا كيرلس ؟؟؟ أنا عارف انك بتكره عبد الناصر ... ياترى كان البابا كيرلس متعاون مع اسرائيل ؟؟؟ ياترى ماسك ذلة لعبد الناصر ؟؟؟ ساعتها برضه ما كانش فيه مشاكل زى دلوقتى لأن الدولة كانت عارفة دور الكنيسة كويس و مدى صلابتها أمام المؤامرات ..
انت بتطالب مباحث أمن الدولة انها تراقب الكنائس : أهلا و سهلا ..الكنائس مش المطار السرى ..أى واحد ممكن يخشها و يسجل أى كلام مكتوب ....مافيش حد حايعرف لو ده مسلم أو مسيحى أو مباحث ...احنا ماعندناش أسرار و مش بنخطط لانقلاب علشان كدة مش حاتلاقى كهنة مقبوض عليهم كتير زى الشيوخ و بعدين أنا على حد علمى أن كل الكنائس فعلا متراقبة من أمن الدولة ...و العساكر اللى واقفين بره دول بيقدموا تقرير يومى للقسم ...على الفكرة الفيديو اللى بيهاجم البابا مش مهم و مش مؤثر فى علاقتى بالمسلمين و حتى لو عرفت اللى عمله مش حاطبق فى زمارة رقبته و لا البابا بتاعنا لأنه مش بيرد على اهانات شخصية ...على فكرة برضه اللى بيورد الفراشة للكاتدرائية أثناء الأعياد محل صاحبه حاج مسلم مش فاكر اسمه بس أكيد مختلف عنك أتمنى أنه يشدك لمنطقته مش العكس
الفيديو بتاعك اتشال أنا ما شفتهوش ....بيهين الاسلام و المسلمين بطريقة بالغة ..وصلت الرسالة ...لك حق تزعل ...بس اللى عمله مش كاهن وبالتأكيد مش باءيعاز من البابا لأن الكلام ده مش من التعاليم المسيحية فى شىء
يا خبر!
أنا منبهر بصرامة حسمك!
لا أستطيع أن أخفي اندهاشي أنّك لخّصت جميع المشكلات في نقطة واحدة، وبالتالي فبالتأكيد هذه النقطة ليست أنتَ ولا أيّ شيء متعلّق بك، بل هي "الآخر" أو بعض من يتنمون لهذا "الآخر"
في العادة لا أجسر على النِقاش بشأن مثل هذه الأحكام المُطلقة، لكّنني لسبب ما أريد أن أدلو بدلوي تعليقاً على اقتراحِك، رغم أنّني لا أعرفك جيّداً ولا أعرف نوع دراستك (حتّى أطلب منك الالتزام بالمنهج العلميّ)أو حتّى سنّك(حتّى أطالبك بمعايير معيّنة في منطق الخطاب).
لأنّني أحب مدوّنة ابن عبد العزيز وأحترم ما بها من نِقاش،
ولأنّني عضو في المجموعة التي أطلقت مبادرة للمصارحة والمصالحة،
دعني أتناول هذه النقطة التي طرحتَها:
"القساوسة هم السبب في رأيي وحواراهم طائفي وتحريضي من كبيرهم لصغيرهم الا نادرا... ومن هنا يكون الحل"
بدايةً، ومن باب المصارحة، لا أستطيع أن أنكر أنّني أرى أنّ القِسّيسين يتحملون جزءاً لا بأس به من تردّي أوضاع العلاقات بين المسيحيين والمسلمين في مصر، وذلك بصمتهم أحياناً كثيرة وبكلامهم أحياناً أقلّ.
لكنّني أتساءَل عن هذا الحُكم ومن أينَ جئتَ أنتَ به؟
ولأنّه سبب واحد للمشكلة، ربّما نستطيع محاصرته وحلّه (بل واستئصاله وتدميره) إن تطلّب الأمر ذلك إنقاذاً لمستقبل وطننا!
أوّلاً: هل جميع القساوسة مسئولون أم أكثرهم؟
هل تستطيع أن تكون أكثر تحديداً وتحدِّد نسبةً ما؟
هل ٩٩٪ من القسّيسين مسئولون؟ ٩٠٪ ؟ ٨٠٪؟
لا بأسَ أن تكون أكثر تحديداً فالأمر ليس بالبسيط، ونريد أن نشجّع القلّة الجيّدة منهم إن وُجِدوا.
ثانياً: كم هي النسبة التحريضيّة في خطابهم؟ من أين قمت بحساباتك وحدّدت أنّهم انصرفوا عن تعليم مكارم الأخلاق (اللي هي بالطبع أقل من الأخلاق الإسلاميّة في نظرك-بس لا بأس بها لحفظ السلام الاجتماعي)؟ هل تابعت خطابهم في الثلاث سنوات الماضية مثلاً وحسبت النسب المئويّة؟
ثالثاً: كم قسّيساً تعرِف؟ كم منهم تعرفه بشكل شخصيّ وكم منهم تحدّثت معه بصراحة عن رأيك؟ ألستَ صارماً حاسماً؟ ألا يجدر بك مواجهة شخص، لا سّيما إن كان مُضَلَّلاً مُضَلِّلاً؟
يجدرني هنا أن أستطرِد معرِّفاً كلّ من يقرأ هذا التعليق أنّ أحد ركائز "المصارحة" ألاّ تنفصل عن "المصالحة" فلا تصارُح بلا تصالح ولا العكس. وأحد هذه الركائز نستقيها من القرآن والإنجيل وهي مبدأ تقديم حُسن الظنّ وتجنّب سوئه. مستندين إلى المرجعيّتين الإسلاميّة والمسيحيّة في:
"يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ" الحجرات ٦
وأيضاً: "يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ" الحجرات ١٢
وفي "لا تدينوا لكي لا تُدانوا. لأنكم بالدينونة التي بها تَدينون تُدانون. وبالكيل الذي به تكيلون يُكال لكم." مت٧: ١
رابعاً: هل الضرر الذي يحدثه القسيسون يمكن إصلاحه أم لا أمل؟ وكيف يكون الإصلاح في رأيك؟
خامسآً: هل يمكن تقويم هؤلاء القسّيسين وإعادتهم إلى "عقلهم" قبل أن يشعلوها فتنةً تحرقهم أوّلاً؟ هل يمكن إصلاح بعضهم؟ كم هي نسبة من يمكن إصلاحهم وهدايتهم؟ هل يمكن إصلاحهم وهم بعد مسيحيون أم يجب أن يدخلوا في الإسلام كي يعودوا إلى رشدهم؟
سادساً: إن فشل إصلاحُهم أو استتابتهم. هل يكون الحلّ الآمثل هو نفيهم خارج البلاد؟ آم آنّ تطوّر الإنترنت والفضائيّات يحتّم إسكاتهم إسكاتاً ناجعاً؟ نقتلهم؟ أم نكتفي بسجنهم أو ربّما قطع ألسنتهم؟
لو الحل في إيدينا، ممكن "نبتُر" جزء من المجتمع لإصلاح الكلّ.. مش كده ولا إيه؟
سابعاً وأخيراً: هل تُنكِر على القسوس أن يمارسوا عملهم كدُعاة ورُعاة، بما يتطلّبه ذلك من تثبيت "جمهورهم"-إن جاز التعبير-على ما يؤمنون به؟ يعني من تلوم بالأكثر: قسيس نشيط يسهر على أمور مرتادي الكنيسة أم قسيس كسول لا يقوم بعمله ولا يعرف شيئاً عن مستمعيه سوى أنّه "بيقولّهم كلمتين حلوين" حين يراهم؟
أي داعية لا تقتصر رسالته على الرقائق أو على التحدّث في "مكارم الأخلاق" بل واجبه الدعوة والتثبيت، فهل تلوم داعيةً إن فعل هذا؟
يا سلاااااااااااااااام
صدفة >>>> صدفة
:)
الفيديو اتشال بمجرد ما حطينا الرابط بتاعه هنا
وزي ما الموقع بيقول
removed by the user
راجع تاني
الاستاذ المجهول
برضه ليس دفاعا عن نفسيى ولكن توضيح للفكرة
الكراهية الفظيعة اللي بتدعيها علي في دماغك انت فقط وليس في دماغي
واظن ان اسلوبي مباشر وواضح جدا ومش محتاج اداهن او اداور
باذن الله ان فتحت محل فراشة معنديش اي مانع اني اورد لكم فراشة الاحتفالات ومن غير فلوس حتى
وباذن الله ان قدر الله ان اكون يوما من اركان النظام - ده لو انا بقول لو - في اوقات احتفالاتكم لا اجد اي غضاضة اني انظم لكم الامور واسهل لكم الاحتفالات حتى خارج محيط الكنيسة ان لم تكف الاعداد الحاضرة المساحة داخل الكنيسة
كويس اوي انك جبت مثال الانبا كيرلس
اهو البابا كيرلوس ده افضل بكثير من البابا شنودة...لانه سياسة الكنيسة وقتها كانت تركز على الاخلاقيات وليس السياسة ..واصحاب هذا الاتجاه حتى الان يقولون بنفس الشئ...ان الكنيسة دورها روحي واجتماعي فقط وليس سياسي
اما في مسلمي الستيانت
لأ ما كانوش بيصلوا ولا يصوموا ...اغلبهم ما كانش بيصلي ولا يصوم وده تاريخنا وانا عارفه اكثر
هو كان مريح للتعامل نعم ولكن ليس على الاسلام
فمش عشان لا يكون هناك تمييز نتخلى عن عن الحجاب او اي شئ من السمت الخارجي واصول التعامل لكي نرضي اي طرف
لا النموذج ده ينفعنا ولا النموذج المتشدد الداعي لاحراق الطائفة الاخرى ينفعنا ...وهو غير موجود حاليا هو موجود عندكم فقط وبكثرة
المسملين والحمد لله تحسنوا كثيرا ..وان كان مازال الطريق طويل لكن الهبوط الاخلاقي اراه طبيعيا مع ضغط المعيشة والظروف وتغير عوامل المجتمع وهذا كان ليحدث بصكوة دينية او من غيرها وان كان من غير الصحوة الدينية كان ليصبح اسوأ من هذا
ولاحظ ان مازالت المساجد والدعوة بشكل صحيح تحارب من الدولة
من وجهة نظر طائفتك ان ترى ان هذا من اجل محاربة العنف والارهاب...فهأرد عليك بأوضح مثال
وهل كان عمرو خالد كي يتم منعه ارهابيا
كم قسيس وكم واعظ عندكم تم اعتقاله لمجرد موعظته - وليس حتى تحريضه
سمعت عن خالد سعيد بدران
خالد سعيد بدران هو امام مسجد شاب وليس كبير السن مات داخل امن الدولة منذ اسبوعان ولم يكن له اي نشاط سياسي ...امام مسجد تم القبض عليه لمجرد الفحص كما يسمونه
الخلاصة
انت تريدون مسلم يتخلى عن اي شئ تحسون انه مختلف عنكم ومش مهم ثوابت الدين عندنا
في حين لو جيت وقلت لك مثلا طبق الطلاق في الكنيسة واسمح بالزواج مرة اخرى ..... هتقول ثوابت الدين عندكم
وده كان رد الكنيسة عندكم
اما الفيديو اللي اوردته انت فهو سخيف فعلا...لكن لا يقارن باي حال بالفيديو اللي اوردته انا
الفيديو اللي اوردته انت واضح جدا انه فيديو طفولي...لكن الكلام في الفيديو المحذوف ليس طفوليا
This post has been removed by the author.
This post has been removed by the author.
This post has been removed by the author.
الاستاذ
R
أقولك ازاي القساوسة هما المشكلة واساسها
هأبدا بآخر نقطة على ردي على المجهول
انت تريدون مسلم يتخلى عن اي شئ تحسون انه مختلف عنكم ومش مهم ثوابت الدين عندنا
في حين لو جيت وقلت لك مثلا طبق الطلاق في الكنيسة واسمح بالزواج مرة اخرى ..... هتقول ثوابت الدين عندكم
وده كان رد الكنيسة عندكم
لم اتعامل مع قساسوة كتير فعلا لكن خذ عندك امثلة
قسيس يقول لطفل مسلم - قريبي - انت خسارة في المسلمين
قسيس يطلع في حديث صحفي ويقول...حد الردة في الاسلام غير انساني
وهو مال اهله...هل ده مش تهييج طائفي وازدراء للآخر
http://www.alarabiya.net/articles/2008/01/27/44811.html
ويتكلم عن الآراء الفقهية....هو هيعلمنا ديننا وهيتفقه في الدين اكتر من دار الافتاء
؟؟؟؟؟
النقطة دي مربوطة بالنقطة اللي جاية
البابا شنودة في حديث تليفزيوني..الاقباط مضطهدون ولكننا نتحمل
بل ويحرف آية من القرىن الكريم ويقول
يا ايها الذين ءامنوا لن تكنوا على حق حتى تقيموا التوراة والانجيل
في حين ان الآية تقول
قل يا اهل الكتاب - اي اليهود والنصارى - لستم على شئ حتى تقيموا التوراة والانجيل
اي لا يقيمونها صجحية اساسا
لو الآية مش عاجباه...يحرفها ليه
يا ترى اكبر راس في نصارى مصر مش عارف صحيح الآية...ام انه التربي على التحريف
البرنامج ده اتذاع على القناة الاولى يوم 7 يناير سنة 2003
احاديث الفيديو على موقع الاقباط متحدون واصرار القساوسة فيها - اظنك تراها برضه وهم كثيرون جدا - على خطف البنات المسيحيات واجبارهن على الاسلام
سؤال صحيح لك ولشريف ولكل اصحاب المبادرة
يا ترى فعلا شايف انه يتم خطف بنات النصارى واجبارهن على الاسلام
في الوقت الذي فرحت فيه الكنيسة بقرار المحكمة الادارية العليا باثبات مسيحية المرتد - اللي اغلبهم كان اسلم لغرض الزواج او الميراث او العمل والمال او الهرب من مشاكل - هنقول الكنيسة تقبل التوبة
لكن في نفس الوقت ترفض قرار نفس المحكمة بالسماح بالزواج لمن تم له الطلاق
عارف ليه بقول دايما على نصارى مصر - اغلبهم حاليا - انهم يشبهوا اليهود على عهد النبي
علشان كانوا بيعملوا كده...يأتون للنبي للحكم ان كان لهم الحق...لكن يرفضون ان كان عليهم
السؤال الاخير عندك هو كلام للكلام فقط...لاني كنت واضح جدا في في تأييدي لعملهم كدعاة ورعاة بعيدا عن التهييج الطائفي
عموما
كلامي هذا ليس لوأد وافشال المبادرة - اللي عايز يصدق يصدق - ولكن بما انكم قلتم مصارحة فهذه مصارحتي
واللا الكلام اللي مش هيعجبكم هتعملوا زي الحكومة وتقولوا كل شئ تمام
وطبعا الكلام كان مختصر جدا...لان المشاهدات اكتر بكثير ولكن لا وقت لايرادها كلها باسانيدها
حذفت الثلاث تعليقات السابقة واعدت كتابتها للاخطاء الاملائية بها
Post a Comment
<< Home