حوار "مثير" مع اربعة صحفيين في جريدة المصري
حوار " مثير " مع اربعة صحفيين في جريدة المصري اليوم بخصوص عدم دقة نقل الخبر المتعلق بمشكلة البهائيين القانونية
كنت هناك الساعة الرابعة والنصف تقريبا
بحثت عن الصحفية شيماء القرنشاوي حيث كان اسمها علي الخبر الذي وضعته المصري اليوم عن موضوع البهائيين علي موقعهم الانترنتي
دخلت الي الغرفة التي هي فيها بعد حوالي 15 دقيقة
وعندما دخلت حدث الاتي
" ساحاول نقل الحوار بدقة معتمدا علي الذاكرة "
انا : السلام عليكم ..مين الاستاذة شيماء القرنشاوي
شيماء : انا اتفضل اقعد ...ايه الموضوع ؟
انا : انا جاي بخصوص الموضوع اللي كتبيته عن البهائيين لان فيه عدم دقة ..كل اللي وقفوا بيفط عند باب المحكمة ما كانوش بهائيين وانتي حطيتي في اكثر من موضع انهم بهائيين واشرتي الي نورا يونس بالتحديد انها بهائية واصريتي علي ان كل من رفع يافطة كان بهائي
صحفي اخر : وحضرتك مين؟
انا : انا اللي كنت رافع يافطة انا مسلم مؤمن ببطلان العقيدة البهائية واللي الاستاذة شيماء اشارت له بطالب جامعي ..انا مهندس
ومدون ...وكل اللي جم اليوم ده سواء انا او نورا او حسام او الشرقاوي كلهم مدونين متضامنين مع حق البهائيين في اضافة لفظة بهائي في خانة الديانة بالبطاقة ومحدش فينا بهائي ..وياريت يتم تصحيح الخبر
بالطبع كنت متخيل انهم حيقولوا ماشي وحصل خطا ويتصحح ..الا ان ثلاثة منهم بما فيهم الصحفية صاحبة الخبر اصرت في مناقشتي في قضية " وليه تايدهم مع انهم مرتدين ؟" وبدات تناقشني في ان ما صنعته كان خطئا وساندها صحفي اخر
ثم قلت :
انا اعتقد اننا نتكلم في موضوعين مختلفين
الدقة الصحفية دي حاجة
انك مش مقتنعة باني انا واللي كانوا معايا المفروض ميساعدوش البهائيين دي قضية تانية ممكن حضرتك تعمل لقاء معايا او مع التانيين وتساليهم وجهة نظرهم وتستفهمي لكن انا مش جاي النهارية اقول اللي انا عملته عملته ليه بالاضافة الي ان اليافطة بتاعتي كانت واضحة اني لا اؤمن بالعقيدة البهائية وفي نفس الوقت اؤيد حقهم في المواطنة مثلهم مثل اي مصري
صحفي اخر : طيب يا باشمهندس انت مش عارف انهم كفرة حد يقف مع الكفرة ويقول انا مش زيهم بس باقف معاهم؟
طبعا انا كدت اصاب بسكتة قلبية من هذا المنطق وقلت في نفسي خلاص انا ححاول اوضح موقفي يمكن يحترموه علي الاقل
ثم اسردت في القول :
يا سيدي تاني
انا مسلم مؤمن موحد اؤمن انه لا اله الا الله وان محمدا عبده ورسوله ولا نبي او رسول بعده
والبهاء ده انا مش مقتنع بيه ولا دينه ولا يعنيني في شئ
وانا مرجعيتي اسلامية واخواني سابق " طبعا واحد قاطعني وقاللي وليه سابق وكانه مسك مصيبة فرديت عليه بقولي لمشاكل ادراية وفكرية وده موضوع تاني " ثم اكملت فقلت
المجوس والزرادشتيين والمنويين عاشوا وسط المسلمين في مجتمعات مسلمة متعددة وكانت لهم حقوق كثيرة و عقائدهم محترمة حتي لو لم يكن يؤمن بها مسلم واحد لم يكن الامر مقصور علي اليهود والنصاري وحسب وكتب الفقه مليئة باحكام تنظيمية تنظم العلاقة بين المسلم وبينهم
قاطعتني شيماء وقالت :
دول البهائيين بيكرهوا الاسلام وعاوزين يدمروه انت مقريتشي مواقعهم بتقول ايه ؟
قلت :
مرة تانية انا بتكلم علي 2000 بهائي في مصر كانت لهم الحق في خانة الديانة = بهائي لحد كام سنة فاتوا وفجاة الدولة جت استهبلت وشخبطتلهم عليها
لا هم عارفين يطلعوا شهادات ميلاد
ولا طلاق
ولاوفاة
ولازواج
ولا تجنيد او اعفاء منه
ولا رخصة عربية
ولا تعيين
وبيترفد بعضهم من الجامعة
ومن الشغل
ومش عارفين حتي يطلعوا جواز سفر عشان يطفشوا بيه من البلد الزفت دي
ده اللي انا بتكلم فيه
موضوع بهائيين بيدمروا الاسلام او لا ده تسالي فيه البهائيين ومن مصادرهم هما
وبعدين لو عقيدة البهائي بتدمر عقيدة المسلم وعلي هذا الاساس عاوزة تحرمي البهائي من حق المواطنة
فالمسيحي اولي
لان المسيحي عقيدته لا تعترف بمحمد عليه الصلاة والسلام اصلا
ورغم كدة محدش قال نشيل خانة مسيحي من البطاقة ولا نرمي المسيحيين برة البلد
بينما البهائي يعترف بمحمد نبيا ولكن يقول ان فيه نبي بعده
لو بالمنطق بتاعك يبقي البهائي اولي من المسيحي يكون له حقوق
وفي النهاية انا قلت
المسالة مش مسالة عقيدته ايه
النقطة ان ده واحد مصري كابرا عن كابر
حقوقه كمصري حسب الدستور فين؟
هو بقة دينه ايه مش فارقة معايا
صحفي اخر : هو احنا حنصلح الخبر بس نكتب مصريين غير بهائيين يعترفون بالبهائية
قلت :
يا سيدي قلتلك الاعتراف بالبهائية مش هي القضية انا كمسلم لا اعتبرها دينا اصلا
انت فاهم انا بتكلم في ايه؟
احنا مصريين محدش فينا بهائي ولا حتي مؤمن بيها وبنقول هما ناس ليه حق المواطنة زيهم زي غيره وكان بيتكتب ليهم بهائي من كام سنة فاتت وعشان كدة نورا يونس كانت رافعه اليافطة يوميها عشان تبين ان الحكومة كانت كاتبة بهائي وانه مش اختراع جديد اصلا
صحفي اخر:
وعدد البهائين ايه مش الفين؟
والمدونين عددهم كام بقة؟
رديت : مش عارف يمكن الف الفين بس النشط منهم ميات
راح رد وقال وكانه جاب التايهة :
مش غريبة ان البهائيين الفين والمدونيين الفين ؟
طبعا انا مرارتي اتفقعت تماما
وقلت له وايه علاقة ده بده ياسيدي
قال لي مش قصدي انا بس بفكر
اصريت انا مرة اخري علي التعديل بصيغة دقيقة
ليس فينا بهائي واحد وليس فينا مؤمن واحد بالبهائية ولكننا نؤيد حق المواطنة بما فيها حقهم في وضع كلمة بهائي او اخري او شرطة حتي يتسني لهم ممارسة حياتهم الطبيعية بالورق الرسمي اللانهائي المعتمد علي البطاقة الشخصية
تقول شيماء :
وانا كنت اعرف منين انكم مش بهائيين ما هو اكيد اللي بيدافع عنهم يكون منهم
لاحظوا منطق الصحفية الناقلة بموضوعية ..قررت ان تخوض في نوايانا جميعا وتقرر اننا بهائيين
ولما قلت لها انا كنت رافع يافطة واضحة زي الشمس اني مسلم ولا اؤمن بالعقيدة البهائية اصلا كل ده ومافيش فايدة؟
قالت : ما هي الناس كلها كانت فرحانة بالحكم ما عدا انتم
عبارة اخري فاقعة للمرارة
طبعا اخذوا اسمي وتليفوني وعرفوا موقع مدونتي واوضحت لهم اكثر من مرة ان مرجعيتي اسلامية
وقلت لهم انه لايهمني راي الاغلبية ان كنت اراها جائرة ويهمني ما اعتقد انه حق
وقلت لهم ان يفصلوا ما بين النقل الصحفي والحكم مسبقا ووضع الاراء الشخصية في الخبر الذي يجب ان يكون كما الواقع وليس باختلاق معلومات كاذبة
هناك اشياء اخري جرت
لكن شعرت بانهم يشككون في اسلامي
او اني مسلم مجنون مثلا
او اني ضال رغم كل التوضيحات العقلية والشرعية
ورغم اليافطة واضحة الرسالة
ورغم شرحي وشر حي وشرحي
قلت لهم في النهاية بصوا
عاوزين تناقشوا مشكلة ثقافية اسمها تقبل الاخر والمواطنة اتصلوا بيا ونتكلم
اما المعلومات في الخبر السابق يجب ان تصحح
وعدوني بهذا
وخرجت مسلما عليهم بتحية الاسلام
ومتحسرا الف حسرة علي ما سمعت
جزاكم الله خيرا
posted by ibn_abdel_aziz at 9:13 PM
34طھط¹ظ„ظŠظ‚ط§طھ:
I think every human is biased--no matter what their profession is, even if their job is to be neutral. But what you have encountered today might be a perfect example of what you are trying to fight
Ignorance.
عاتشي يا عم ,ماهو شغل الإستسهال عندهم على اخره,هما مش خلاص وصلوا وعملوا اسم وبقوا من الصحف المحترمه ؟ يشتغلوا ليه بعد كدا ؟ يتعبوا ويتحققوا ليه من أي حاجه ؟
خلاص بئوا بروح أمهم اّلهه ولهم كل الحق في انهم يقولوا اي شئ ويتهموا اي حد بأي شئ
بجد حاجه وسخه وعالم بنت ستين ز....بلاش حرام في جتتهم الشيتمه
ها هاها...
شريف إنت إيجابي ومثالي زيادة عن اللزوم.. ربنا يستر عليك :)
أنا أهنئك بشدة طبعاً إنك رحت للصحفيين اللي لبخوا، ده فعل يحتذى،
وطبعاً أنا فاهم قد إيه الكلام اللي قالوه ده صادم، بس للأسف ناس كتير مش هتفهم ده،
أنا باواجه مشكلات مماثلة في الجامعة بس علشان أفهم الناس قوانين النشر والخطأ الفادح اللي يصل للجناية في نقل سطور كاملة من مراجع حتى مع ذكر المراجع-
المهم...
أضحكتني بس في نقطة: "والمنويين "
منويين دول إيه يا بني بس..
اسمهم مانويين،
إنت كده هتخليهم بيعبدوا الحيوان المنوي :)
ّّـــ
رامي
ـ"راح رد وقال وكانه جاب التايهة :
مش غريبة ان البهائيين الفين والمدونيين الفين ؟"
!!!!!!
ونعم التفكير!!
دي حاجة كده زي "الله واحد والشيطان واحد!!!"
مثلاً يعني -
إيه التفكير ده!!!
ـ
الموقف ليس الول الذي أسمعه من صحفيي المصري اليوم , حدث أن حاولت شخصية أعرفها تصحيح معلومة نشرت عنها فكان الرد : أصل المحرر مش غلطان , هو سمع كدا , و مش معقول ندبحه عشان المعلومة مش صح
ندبحه دي كانت عندما طلبت تصحيح المعلومة و كأن نشر تصحيح يعتبر قتلا للصحفي
الحوار لطيف و كوميدي جدا :)))
خصوصا الملاحظة بتاعة البهائيين 2000 و المدونين 2000 ( على فكرة يا شريف هم حاليا أكثر قليلا من 3000 مدون مصري)و ملاحظة "ليه سابق" و القوية فعلا ملاحظة "عايزين يدمروا الاسلام" نفسي حد يفهمني يعني ايه يدمروا الاسلام؟؟؟
يعني ايه يدمروا الاسلام؟؟؟
Yani ya Blue Rose, you bring a hammer and break it into pieces.So please remember to keep Islam in a glass window, with alarms and all, so no one will touch it.
What they forget, if they believe that Islam is deen al haqq, that no one can do this :) Because that is a promise from Allah (swt).
أنت رحت فعلا! أنت هايل يابني :)
لكن الصحافيني دالوقت فاكرينك ماسوني زينا.
قال لك 2000 و 2000…و كمان بيفكر!
لكن المدونين خمسة أضعاف الرقم دا على الأقل يا شريف.
خربوا موضوع طلبة الإخوان في الجامعة، و موضوع البهائيين، كله في سبيل الفرقعة.
يظهر أن المصري اليوم مستواها قلّ كثرا بعد ما هشام قاسم تركها. يعني برضو ما فيش مؤسسات.
أحمد يا غربية انت ماسونى مالكش الحق فى الكلام
و انت شا شريف بهائى لانك ساندت
و انتوا يا مدونيين كلكهك بهائيين لان عددكم تقريبا مساوى لعدد البهائيين
دى طبعا صحافة العنصرية
و صحافة الرجم بالغيب و الفزلكة و كلفتت المواضيع من على المكاتب
لما جيب اكتب على الحملة فى جرنال
لقيت مدير التحرير بيتخانق معايا و بيقولى لا لازم تحط ان فى مدونيين بيشتموكوا علشان انتوا مع البهائيين
قلتله ماشى هابقى اكتب كدة بس افرض مافيش ؟؟؟
قالى اكتبها برضوا اصلا دول و لاد كلب ما يستحقوش
قلت مش موضوعنا انا بغطى الحملة و بس
باغتنى انه ضد البهائيين
طيب ارد اقوله ايه انا بقة دة ؟؟؟
بصراحة انا لو مكانك فى المصرى اليوم كان زمانى رفعت كرسى لبسته فى وش اى واحد فيهم
جزاك الله خيرا
المهم انك تحتسب المشوار وحرقة الدم
شكرا يا ابن عبد العزيز على شجاعتك ودفاعك عن قناعاتك. انا كبهائية أكن لك كل الاحترام والتقدير لانك فعلا تفعل ما تقول. الدين مش قضية عقيدة وبس، ولكن الدين معاملة وأنا في رأيي أي واحد بيدّعي انه بيؤمن بدين او مبدأ ليس له مصداقية أذا كان ينضّر بشيء ويعمل ضده. للأسف في مصر والعالم العربي بشكل عام تعودنا ان نقبل النفاق حتى صار البعض يستهجن دفاعنا عن الحق والخروج عن ما صار في نظرهم احد الأعراف الاجتماعية
إن أكثر ما يؤسفني أن أراه هو سياسة الطعن في قناعات الفرد كوسيلة لدفعه للتراجع عن موقفه من قضية ما. هذا في رأيي من اسواء واحط انواع الارهاب الفكري. انا بصراحة احترم وممكن أن أتعايش مع أي شخص حتى لو كان يؤمن ان البهائي كافر ما دام فعلا تحرى حقيقة الدين البهائي ووصل ال هذه القناعة. ما يشعرني بالغثيان "وانفقاع المرارة" كما قال ابن عبد العزيز هو المنطق الاعوج والمواقف التي تشبه ما وصفه في لقاءه مع الصحفيين، وللأسف، ما اكثرها
اما بالنسبة لموقف المدونين المصريين بشكل خاص والعرب بشكل عام، فانا أرى أن نضوج وتبلور هذه الشريحة الاجتماعة هو من أكثر البوادر التي تدعو للتفائل في عالمنا العربي، واعتقد انها بصدد خلق قوى قادرة على المساعدة في تغيير واصلاح هذا المجتمع، خاصة وانها انتقلت من مرحلة الكلام والتضامن الفكري الى حيز التنفيذ والتضامن الفعلي. فإن ما قام به ابن عبد العزيز ونورا وحسام والشرقاوي وغيرهم لهو دليل على ذلك
أن اجمل ما في هذه التجربة في نظري هو اننا قادرين على التواصل والتضامن رغم اختلاف عقائدنا وايدولوجياتنا، ويبدو أن هذا ما عجز عن إدراكه الصحفيين
مع تحياتي
نسرين
Oragnic ..being biased is something natural i agree , but in her case "the journalist" , she assumed that we were Bahai just because "it makes sense to her " not because she made her research and find out facts ..she based her assumptions on 2 things :
1. every one was happy with the ruling except the few of us who condemned it , so we have to be Bahais
2. since we held signs we have to be Bahais ...
this is not even ignorance , it's a pre-dectitated judgement , she failed to do her job ...period.
if i was the owner of this news paper i will ask her to live up to the accuracy standards , and give her one more chance , and she fails again ..she should be fired ..coz she can't be a journalist ..
انا مبسوط انك متغاظ يا مالك بجد
دي حاجة تغيظ
انا كنت بحترم الجرنان ده
ودلوقتي مبقتش متاكد من الاخبار ان كانت دي طريقة النقل وطريقة التفكير
بص يا مالك هو اكيد استستهال واستهبال
وكفاية الحوار البائس ده يثبت ان الشباب اللي بيشتغل في جريدة المفروض انها ليبرالية الي حد ما وبيساعدها رجال اعمال مصريين ماديا وسمعت كمان ان امريكا بتشجع نوع زي ده من الصحافة ..ودي نوعية الصحافيين اصلا اللي فيها اللي هما جايين من الشعب عادي
بمعني ان معايير التعيين مش واضحة ولا حاجة
وما فيش مراجعات علي اداءهم
ولا كيفية نقلهم للخبر
ولا ازاي بيرفعوا الخبر من ارض الواقع بدون انحيازات شخصية
فلو ده حال جريدة محسوبة علي الليبراليين
يبقي مافيش مؤسسة اعلامية في مصر اصلا
اللي بنتكلم فيه هنا هو دقة النقل فقط
بس كدة
وده معناه الناقل امين علي الخبر
واي تغيير فيه فهو نوع من التزوير والكذب
ودي بقة كبيرة من الكبائر في الاسلام
لو الست شيماء واصحابها الصحافيين عاوزين يكونوا مسلمين بجد ويطبقوه بالحرف وانا احييهم من قلبي ساعتها
يا مالك عاوز اشوفك يبني انت هربان فين؟
يا رامي انا كدة من ايام الاخوان علي كل حال بمشي ورا الحاجة لحد اخرها
يعني طبع في مش اكثر
وطبعا في امريكا مع كل موقف تم اضطهادي فيه عشان مسلم او عربي او شرق اوسطي كنت بجري اخد حقي واولعها علي راس اللي اخذ حقي
بالحسني بالقضاء بالتظاهر بالفضيحة بالتفاهم
مش فارقة
المهم ابين موقف واتابع لحد الاخر
وده من الجهاد طبعا
اني ادافع عن حقي وحق غيري ايا كان غيري
زي ما غيري دافع عن حقي مع انه مؤمن من قلبه ان الاسلام ده من وجهة نظره دين كفتة او شيطاني حتة واتقالتلي ف وشي مرة
I don't give a shit about your faith , but if any one harrassed you or bothered you , you have a brother who will defend your right to be an equal citizen of the states like any one else.
واضحة قوي العبارة
اما موضوع المنويين فمعلش خطا كتابي من السرعة :)
علي رايك لحسن يطلعوا علينا اننا تبع ديانات الاعضاء التناسلية واللا حاجة ..ده حتي بيقولوا منوي
:)))
شفت طريقة التفكير يا رامي ؟
المدونين الفين والبهائيين الفين
شفت الطريقة اللي تشل؟
اهي دي لوحدها كوم بجد
وده صحافي
برضك
مش عارف برضك معني يدمروا الاسلام ايه برضك يا بلو روز
هي نفسها مشرحتش
وقالت انا جايباه من مواقعهم الانترنتية وكتبهم
انتي عارفة المصريين لما يتزنق
يقول وانا قاري وعارف
وهو لا متنيل ولا حاجة
التعديل الصحفي بقة عامل زي تغيير ايه في القران ..منا عارف
الاله الصحفي لا يخطا
يخطا ازاي وهو بيحشي مخك اخبار
المفروض نعمل تماثيل ليهم ونسجد كمان
انتي عارفة انهم مفروسين من المدونين برضك؟
حاسين ان فكرة الصحافة الشعبية بتهددهم هما كمان
وانا شرحت يعني ايه تدوين لاني سالوني والمدونين بيعملوا ايه
وقلتلهم ان الظاهرة حديثة بشكلها الحالي وان كانت اقدم من حيث مبدا التوثيق وكتابة الجورنال الشخصي
وانها جاءت من الغرب بشكلها الحالي
وانها بتساعد في التاثير علي سياسة الدول ساعات وبتفجر فضايح حكومية
وانها عاملة زي عين المراقبة والمحاسبة لما كل الاجهزة المؤسسة للدولة تفشل في موضوع المحاسبة والمراقبة
حنتقابل النهاردة يا بلو الساعة خمسة ابقي قولي لجهاد وبلوستون واتصلي بي لو عاوزة تعرفي المكان حعرفه من رامي ان شاء الله
ايوة يا الف
لسة ما فيش مؤسسات
اكيد
المدونين عشرتالاف ؟
بس الارقام دي صحيحة؟
بصراحة ياجيمي انا اشكرك علي نقلك للموضوع في الصفحة بتاعة الميدان ربنا يكرمك
وانا كنت بقيت فاهم كمية الضغظ ابن الكلب اللي علي الصحافي اللي ممكن عاوز يمارس صحافة ونقل دقيقين
انا كنت فعلا حطلع من هدومي وانا بكلم العالم دول
بس اتمني ان حواري معاهم خلاهم يفكروا شوية
يفكروا بجد
ما هو لو رئيسك بيفكر كدة برضك يبقي بصراحة الصحافيين مش جايبينه من برة
شكرا يا اديب
جزاكم الله خيرا
دكتورة نسرين شكرا علي المرور
انا بيتهيالي شفتك عند حسام معلش مش مركب الاسماء علي الوشوش لسة
بصي يا دكتورة
انا مؤمن بحق المواطنة
وعارف ان الاسلام نص اهل الارض ان كان مش اكثر مش مؤمنين بيه اصلا
بس المسلمين في كل مكان في العالم وبيطالبوا بحقوق المواطنة في الدول اللي هما فيها اقلية
وده حقهم
وبالتالي انا كمسلم في ارض الاغلبية المسلمة لازم اقف مع الاقليات اللي بتطالب حقها في المواطنه بدون شك
العمل اللي بعمله من وجهة نظري هو لوجه الله عزوجل
اعطاء الناس حقوقهم هو فريضة الهية مش حاجة زيادة ولا حد بيتفضل علي حد
انا صدمني كمان ان الاخت شيماء الصحفية قالتلي بعبارة مفزعة
" مش كفاية اننا سايبنهم عايشين وسطنا"
؟؟؟
والعبارة دي سمعتها ضد المسيحيين برضك ده والمسيحيين بالملايين في مصر
فما بالك باقلية بالالاف اكيد التحقير ليها اكثر والتقدير ليها منعدم
انا فاهم معني الاضطهاد كويس قوي
انا مريت بيه كثير
واترفدت من شغلي
واتعاملت معاملة سيئة من عنصريين ومتطرفين
وعارف ازاي ده بيجرح وياذي
نعم فيه ارهاب فكري
ان الشخص قادر يساويين بالشيطان لمجرد اني مش مقتنع معاه بقضية واحدة بس او قضايا قليلة
انت معانا واللا علينا ؟
فكرة القبيلة والنادي والشلة والعصابة والرباطية
فيه امل يا دكتورة في ان حتي الناس من الشباب المتدين اللي بقابله كل يوم في الجامع لما بقعد معاهم بهدوء واناقشهم بتروي
واشرح الفرق ما بين الاختلاف في العقيدة وما بين تقبل الاخر في وطن يجمع الجميع ليس من تنازل في عقيدتك في شئ بل هو تثبيت لها وتقوية
انا كمسلم لما اجد في اصولي الاسلامية ما يقوي سلوكي الحقوقي ويجعلني اعطي الناس حقوقها مهما اختلفت معاها ده بيقوي ايماني
بيخليني مسلم احسن وانسان احسن
دي دعوتي
ازاي اكون انسان واكون مسلم ولا تعارض بينهما
ازاي اكون حقوقي ومسلم ولا تعارض بينهما
ازاي اكون منفتح العقلية ومسلم ولا تعارض بينهما
ازاي اكون عادل ومسلم ودي بقة بالذات يجب ان يفهمهما الجميع بان قلب الدين هو حقوق الناس والعدالة معاهم
الدين المعاملة
ده مش حديث يتلف في ورق تواليت ؟
ده حديث للرسول عليه الصلاة والسلام يوضع فوق رؤوس الجميع ويكتب بماء الذهب
انا يادكتورة تعايشت مع من يظن ان الاسلام دين عنف ولا امل فيه وانه دين لا يصلح لهذا الزمان
وعلي الرغم من كدة لم يبخسني حقي ولو قد شعرة
انا فاهم ان تعايشي مع الاخر ليس له علاقة بمدي ايماني بكل ما يقوله الاخر من اشياء
اليهودي لا يميز المسيحية
والمسيحي لا يميز الاسلام
والمسلم لا يميز البهائية
والمسلم يري اليهودية محرفة
والمسيحية محرفة
والبهائية مبتدعة
دي سنة الله في الكون
لم يامر الله الناس بالايمان وفرضه عليهم
وعشان كدة قال
ولو شاء الله لجعلكم امة واحدة
فلما هو لم يشأ
حنخترع يعني؟
حنفضل امم متنوعة العقائد والمذاهب الي قيام الساعة
لكنه قال
ان الله يامر بالعدل
ولا تزر وازرة ورر اخري
وفي الحديث
ان الله حرم الظلم علي نفسه وجعله بينكم محرما فلا تظالموا
ده هو الاسلام اللي بيصرخ في كل يوم في وشي
وبيقوللي
شلني واتحرك بي في كل مكان
ورد للناس حقوقهم
كل الناس
انا اسف يا دكتورة علي كل شعور بالاضطهاد بتحسي بيه انتي ومن معكي
واسف انك بتمري يوميا باشياء تخليكي تحسي انك مواطنة درجة تانية او تالتة
ربنا يكون في عون كل اصحاب الحقوق من الاغلبية او الاقلية
امين
انا مش عارف انت قابلت مين غير شيماء في المصري
بس المصري جرنان محترم وفيه ناس دماغها نظيفه غير الناس اللي شوفتها دي
شيماء صحفيه في قسم المنوعات
لكن انت لو كنت عايز تصحح كنت تبعت فاكس والموضوع كان اتحل
المصري تدار بطريقه غريبه شويه الصحفيين في الجريدة كتير
بيجيبو اخبار من كل حته وعن اي حاجه وتوصل الاخبار كلها عند راجل في الديسك اسمه شارل ومعاه مجموعه من الصحفيين الكبار والمحترمين يناقشو الاخبار ويتأكدو من المشكوك فيه وبعدين يتنشر
وبالنسبه للغلطه فده شيء ممكن يحصل في اي حته
بالنسبة لعقول الصحفيين
فبجد وبدون تحيز انت اللي شكل حظك وقعك في ناس دماغها تعبانه وفيه صحفيين كتير هناك عقلهم اكبر من كده ومع ملاحظه ان انت وكل المدونين اللي علقو علي الموضوع من اصحاب الثقافه العاليه
واخيرا
انا مش صحفي في المصري بس ذهبت هناك اكتر من مرة واعرف ناس هناك
وردي بحاول فيه ارد الحق لاصحابه مش عشان اي حاجه تانيه
الانطباع الأهم الذي خرجت به من قراءتي لمشكلتك مع صحفيي المصري اليوم أن في مصر صحفيين يملكون من "القوى العقلية" ما لا يملكه التوربيني ، ومن المستوى الثقافي ما يجعلهم يربطون بين "البهائية" و "بهاء سلطان"!
والظريف في الموضوع أننا كمتفرجين نسلم لهم الذقون ونعطيهم مرجعية (انت ما قريتش اللي في الجرنال؟) دون إعمال العقل فيما يقولون ، والإيمان بأن الصحفيين بشر مثلنا تماماً يخطئون ويصيبون وفيهم المثقف وفيهم أمثال المذكورين وبالتالي فإن كلامهم ليس مقدساً ويحتمل الشك والهوى والغرض والخطأ..
فكرني "بالبعيد" بتاع الأهرام اللي بيقول إن الناس مش حتقرا لفهمي هويدي لو ما اتنشرش مقاله في الأهرام ، متناسياً إن العالم اللي احنا فيه مفتوح ، وإن كل ممنوع بيطلع في عشرتلاف جرنال وستين ألف ويب سايت وبيوصل لأضعاف قراء الأهرام والأخبار وأبو الهول!
وسلامتها أم حسن!
بعيدا عن هذا الموقف ... انا حصل موقف معايا النهارده بعد ما شفت صورتك في بلوج مختار العزيزي، وبعدين وانا عندنا في المنطقة، شفتك - تقريبا انت نفس الملامح يا ربي- قدام الجامع وشبهت في البداية اذا كنت صاحب المدونة ولا لأ ..؟ والصراحة مسألتش قد ما قعدت مستغرب من الصدفة.
:)
أعتقد إنه لو كان انت فعلا فممكن اعتبار ما حدث من الإخوة في المصري اليوم، من غرائب الطبيعة .
يعني حد بيصلي، وملتزم بأداء فروض ربنا وبعدين يتهم بإنه بهائي، دي حاجة مسخرة .
كنت عايز أعرف إيميلك من البلوج بس مش موجود
أنا سعدت بالتعرف عليك من خلال المدونة، ولو طلعنا من منطقة واحدة، فده شرف لينا..
وده حيزيد منطقتنا بهاء
:))
شريف :
أنا تعليقي المرة دي يمكن يكون خارج عن حدود الأدب شوية بس زي مابيقولوا القافية تحكم .
انت عايزلك بضان ستانلس ستيل عشان تستحمل اللي هتشوفة و تمر بية في مصر .
شريف سمعت عن التعليقات العنصرية اللي علقها فيرجيل جودي ضد كيث أليسون .
مواطن رجب يمكن يكون عندك حق
بس انا نقلت الحوار اللي حصل معايا مع 4 صحافيين
مقلتش ان الجريدة كلها كدة
بس 4 صحفيين في مكان واحد كثير جدا بصراحة
علي كل حال اتمني ان الواقع ميكونشي اسود كدة
فعلا سلامتها ام حسن يا قلم يا جاف :))
علي فكرة جالي ايميلك وحرد عليك ان شاء الله
عبدو باشا
انا ايميلي
sherifdevry@yahoo.com
ابقي ابعتلي ونشوف
وبلاش كلمة بهاء دلوقتي خالص عشان بقت شبهة :))
يعني حتي خالي اسمه بهاء الدين بيتهيالي المفروض متشفشي معاه لحسن انت عارف ان العلاقة بين خالي بهاء والبهائية ممكن تكون دليل قاطع اني بهائي مستتر :))))
عقلي ساح ياربنا
ايرون كوبرا
انا اديني بتعلم :)
من غير الستنلسيل اللي انت اقترحته ده
بس يمكن ينفع
هو بيتصنع فين :)) ؟؟
لا مشوفتش تعليقات جديدة عن كيث اليسون
عندك رابط ؟
يا راجل دة الدنيا مقلوبة هنا في أمريكا بقالها يجي 3 أيام , وولف بليتزرز في السي أن أن عمل لقاء معاة و برايان وليامز كرس يجي نص النايتلي نيوز أمبارح بالليل عنة , عموما أنا لقيتلك حاجة في السي أن أن عربي و جبتهالك أما بالنسبة للبيضان الستانلس ستيل فبتتباع في التشينا تاون سواء في نيويورك أو سان فرانسيسكو بعشرة دولار الجوز .
نائب أمريكي مسلم يدعو للتسامح بعد تعليقات جارحة
1450 (GMT+04:00) - 22/12/06
النائب المسلم اليسون
واشنطن، الولايات المتحدة (CNN)-- أكد أول نائب مسلم في الكونغرس الأمريكي كيث أليسون الخميس، أن على المشرع عن ولاية فيرجينيا فيرجيل جودي الذي واجها سيلا من الانتقادات بسبب رسالة، إنه من الحكمة الإطلاع أكثر على ما يحمله الدين الإسلامي من معاني.
وقال النائب أليسون لشبكة CNN إنه ليس مستاء من رسالة كتبها النائب فيرجيل جودي إلى بعض الناخبين تطالب بعدم استخدام المصحف خلال المراسم غير الرسمية لآداء القسم.
وكان جودي كتب "النائب المسلم عن مينيسوتا اختير بواسطة الناخبين بتلك المنطقة وإذا لم يتنبه المواطنون الأمريكيون ويتبنوا موقفي بشأن الهجرة فمن المحتمل أن ينتخب المزيد من المسلمين ويطالبون بالاستعانة بالقرآن."
وقال اليسون الديمقراطي الذي انتخب الشهر الماضي عضوا بمجلس النواب عن ولاية مينيسوتا "أعتقد أن التنوع في بلادي هو مصدر قوة عظيمة، وأنه من الجيد أنه لدينا أشخاص من كافة المذاهب والثقافات ويأتون إلى هنا."
وكان جودي دافع الخميس في مقابلة مع قناة "فوكس" الإخبارية عن تصريحاته، قائلا إنه يريد سياسات صارمة بشأن الهجرة وتأشيرات الدخول المتنوعة، التي تسمح لأشخاص بدخول أمريكا من "بعض الدول الإرهابية" بدلا من "الدول الأوروبية."
إلا أن النائب اليسون أبدى تسامحا تجاه تصريحات جودي، لافتا إلى رغبته بلقائه لشرح ما تحمله معاني الدين الإسلامي كي يمكن إيجاد "أرضية مشتركة."
وقال النائب عن ولاية مينيسوتا في مقابلة مع وولف بليتزر على شبكة CNN "جمعينا ندعم دستورا واحدا، دستور واحد يضمن حقوقنا بحماية متساوية، ودستور واحد يقول إنه لا ينبغي على الإطلاق أن يطلب اختبار ديني عند تولي منصب عام في أمريكا."
وعندما سأله بليتزر ما إذا كان يعتبر جودي "شخص متعصب" رفض النائب المسلم أن يكون طرفا في التجريح.
وقال "لا أعرف الزميل، وأفضل أن أقول إن لديه الكثير كي يتعلمه عن الإسلام."
في الغضون قال النائب جودي في مؤتمر في ولاية فيرجينيا إنه يشعر بانه لم يقل شيئا غير مناسب.
وقال جودي "لن أضع يدي على المصحف."
وقال إنه تلقى أكثر من تعليق إيجابي من الناخبين.
وقال في مقابلته مع "فوكس": "إحدى السيدات قالت لي إنني على ما تظنه، أقوم بالأمر الصائب إزاء هذا الموضوع، أتمنى أن يجهر العديد من الناس ويقولون رأيهم دفاعا عن المبادئ التي تأسست بموجبها هذه البلاد."
وكان مجلس العلاقات الأمريكية الإسلامية طالب جودي بالاعتذار.
وقال كوري سايلور مدير الهيئة التشريعية الوطنية بالمجلس "إن تعليقات النائب غودي تبعث رسالة بعدم التسامح لا تليق بأي شخص في منصب عام."
يُذكر أن اليسون النائب عن مينيابوليس، ولد في ديترويت واعتنق الدين الإسلامي خلال دراسته الجامعية.
ودة المقال الأصلي :
Tools: Save | Print | E-mail | Most Popular
Ellison: Lawmaker has 'a lot to learn about Islam'
POSTED: 9:30 p.m. EST, December 21, 2006
Story Highlights• NEW: Keith Ellison implores colleague to learn about Islam
• NEW: Ellison, the first Muslim elected to Congress, called for tolerance
• NEW: Virginia Rep. Virgil Goode doesn't want Quran used in swearing in
• Goode refuses to apologize
Adjust font size:
WASHINGTON (CNN) -- The Virginia lawmaker criticized for writing an "Islamophobic" letter to his constituents would be wise to learn more about Islam, the first Muslim elected to Congress said Thursday.
Minnesota Rep.-elect Keith Ellison told CNN that he is not angry about a letter Virginia Rep. Virgil Goode wrote that said Ellison should not be allowed to place his hand on the Quran during his unofficial swearing in ceremony.
"I think the diversity of our country is a great strength," Ellison told CNN's Wolf Blitzer. "It's a good thing that we have people from all faiths and all cultures to come here." (Watch Ellison play down Quran flap )
Goode wrote that to "preserve the values and beliefs traditional to the United States," an immigration overhaul was necessary to avoid "many more Muslims elected to office demanding the use of the Quran."
Defending his statements Thursday, Goode, a Republican, told Fox News he wants to limit legal immigration.
He also said he wants to do away with "diversity visas," which he said allowed people into America "not from European countries" and "some terrorist states."
Ellison responded to Goode's sentiments by saying that he would like to meet with Goode to talk about Islam and find some "common ground."
"We all support one Constitution, one Constitution that upholds our right to equal protection, one Constitution that guarantees us due process under the law, one Constitution which says there is no religious test for elective office in America," Ellison said.
Blitzer asked the new lawmaker-elect directly if thought Goode is a "bigot."
But Ellison refused to partake in what he characterized as "name calling."
"I don't know the fellow and I'd rather just say he has a lot to learn about Islam," Ellison said.
The congressman-elect said he looks forward to meeting Goode.
"What I'd tell him is that there might be a few things about Muslims that he might want to know," said Ellison. "He might want to know that Muslims -- there are about 5 million in the country -- that they are here to support and strengthen America.
"They are nurses, doctors, husbands, wives, kids, who just want to live and prosper in the American way and that there's really nothing to fear," the new lawmaker said. "And that all of us are steadfastly opposed to the same people he is opposed to, which is the terrorists, so there is nothing to be afraid of.
"And, that what we should do is to tell our constituents -- we should reach to each other and not be against each other and we should find ways for common ground."
Ellison then said he'd like Goode to reach out to leaders at mosques and synagogues to encourage understanding and tolerance of the country's variety of religions.
The 'Virgil Goode' position
Meanwhile, Goode said at a news conference at the Franklin County Courthouse in Rocky Mount, Virginia, that he feels he said nothing inappropriate.
"I will not be putting my hand on the Quran," Goode said.
Goode, who represents Virginia's 5th Congressional District, said he is receiving more positive comments from constituents than negative.
"One lady told me she thinks I'm doing the right thing on this," he told Fox News. "I wish more people would take a stand and stand up for the principles on which this country was founded."
In his letter, Goode wrote that strict immigration polices are necessary "to preserve the values and beliefs traditional to the United States of America."
"The Muslim representative from Minnesota was elected by the voters of that district and if American citizens don't wake up and adopt the Virgil Goode position on immigration there will likely be many more Muslims elected to office and demanding the use of the Quran," he wrote.
Virginia's senior senator, Republican John Warner, said in a statement Thursday that he respects the right of congressional members to freely "exercise the religion of their choice, including those of the Islamic faith utilizing the Quran."
Rep. Rahm Emanuel, an Illinois Democrat who is Jewish, said Thursday that he hoped Goode would meet with Ellison.
Emanuel said he would "see what I saw: a good American with good values of a different faith who's trying to do right by the people he represents."
An 'Islamophobic' letter
The Council on American-Islamic Relations had asked Goode to apologize, saying the remarks sent "a message of intolerance that is unworthy of anyone elected to public office."
"Rep. Goode's Islamophobic remarks send a message of intolerance that is unworthy of anyone elected to public office," the council's Corey Saylor said in a statement. "There can be no reasonable defense for such bigotry."
Ellison, a Democrat from Minneapolis, was born in Detroit and converted to Islam in college.
His decision to use the Quran at his ceremonial swearing-in next month prompted criticism from conservative talk radio host Dennis Prager.
The American-Islamic relations council has called for Prager's removal from the board of the U.S. Holocaust Memorial Museum.
Copyright 2006 CNN. All rights reserved.This material may not be published, broadcast, rewritten, or redistributed. Associated Press contributed to this report.
عزيزى محرر المدونه
بعد التحيه و السلام .... انا من احد المعجبين وقراء موقعكم... و فى الحقيقة موقعكم شجعنى على ان اعمل مدونتى الخاصه ... و اكتب فيها بعض من تجاربى فى الحياه كمصرى بيحب وطنه و بيغير عليه... و يتمنى انه يبقى نجم قوق فى السما و عالى...حاليا باعيش فى انجلترا و باشتغل فى جامعة شيفلد...المهم علشان ما طولش عليكم و اعطل و قتكم...اتمنى انكم تضيفوا
اسم مدونتى الى موقعكم و انا كمان اضفت اسم مدونتكم الى موقعى.
عنوان موقعى كالآتى:
http://kalambelmasry.blogspot.com/
و اسم المدونة "حدوته مصريه على المصطبه"
مدونتى عباره عن حدوته مصريه على المصطبه ...احكيها لابن بلدى المصرى البسيط ...و هى حكايه سهله بس عويصه ...اتمنى انها تعجبكم انتم كمان
و اتمنى انى اسمع منكم قريبا
اخوكم دكتور محمد الرفاعى
انجلترا شيفلد
أولا هذه أول مرة اكتب تعليقا على هذه المدونة وهي في رأيي أفضل مدونة مصرية (بس مش دون منافس) لأنها بصراحة صوت مسلم إيجابي حر والمدونات أغلها يا مسلم يا إيجابي يا حر إنما الثلاثة صعب .ربنا يوفقك
بخصوص البهائيين أنا لا أعلم فعلا لماذاهناك الفرق بين
المسيحي والبهائي من وجهة نظر إسلامية
كلاهما دينه باطل وكلاهما يعيش في مصر فلتكن حقوقهما واحدة وواجباتهما واحدة ولكن من غير مانرخم على حد.............ولا احنا عايزين نستنى لما يبقوا ارهابيين؟؟
سمعت الإفّيه ده يا شريف... مش أنا طلعت بهائي؟
بص هنا كده
http://sinox.jeeran.com/archive/2006/12/133738.html
هتلاقيني بهائي ... بس مش متخفي زيك يا نجم، أنا بقي واضح وصريح ودوغري
بيقولك جنون المعتقدات زي جنون البقر كده
http://www.sinox.jeeran.com/
شفت ورديت يا مختار :)
معلش الراجل برضك عاوز يحاور وده كويس
بقولك ايه كلمني ضروري النهاردة او بكرة عاوزك في موضوع ان شاء الله
...خير وبركة....
فعلا عمار يا مصر...ويما بركة هانشوف ونسمع
Post a Comment
<< Home