نقابة المدونين
نقابة المدونين
هناك نقابة محامين واطباء وصيادلة
لم لا نصنع نقابة مدونين
ونقيم لها انتخابات ونضع لها برنامج ولائحة
وتخرج منا شخصيات تمثل حركة الثقافة الجديدة التي بدات منذ سنة او تزيد ؟
انا شخصيا ارشح محمد صاحب طق حنك او رامي صاحب فوق العادي لهذا المنصب في فئة نقابة مصر للمدونين
بينما ارشح ايهاث أو عمر العربي او صاحب الاشجار للنقابة العربية
ونعمل بيانات رسمية ونخاطب الصحافة ونفرض وجودنا علي الساحة ونلتقي في مؤتمرات وندوات ونشارك في بناء العملية الثقافية والسياسية في بلادنا
ها قلتم ايه ؟؟؟؟
اضافة : لقد قمت بانشاء منتدي مؤقت لمناقشة هذا المشروع بشكل اوقع وحتي يمكن ان يقرأ الجميع مشاركات الجميع في مكان واحد حتي نتفق علي مكان نهائي وشكل نهائي لهذا المشروع
تجدون رابطا له علي :
posted by ibn_abdel_aziz at 10:20 PM
12طھط¹ظ„ظŠظ‚ط§طھ:
سبقتني يا ابن عبد العزيز!
كُنتُ بالفعل أوّد اقتراح "نقابة المدوّنين" ولكنّني لم أكُن أفكِّر في نقابة بالفعل (لأنّنا لا نتقاضى أجراً) وإنّما في مدوّنة (طبعاً!) نسميها نقابة المدوِّنين أو كفر المدوِّنين أو حتّى حارة المدوِّنين.
لو كانت كفراً فيجب أن يكون لها عُمدة لا نقيب- أو شيخ حارة...
هُناك بالفعل عدّة محاولات لتجميع المدوِّنين آخرها مبادرة إيهاث المدوّنات العربيّة ومبادرة عمروالديوان
على العموم ها هي نقابة فطلباتك أوامر!
ـ
إبن عبدالعزيز:أهى دي فكرة هايلة كنت باسأل عن أفكار شبهها في "لم يبق إختيار"فى مدونتي و كنت عاوز أقترح بدء بلوج/جريدة يجمع التدوينات و المدونين المصريين و نعمله قدر من الدعاية، لازم يكون ليه محررين و كمان كنت هاقترح رامى بس لازم أقول مرة تانية إننا لازم نفكر إيه شكل التأثير أو "فرض وجودنا"على حسب تعبيرك
تعالوا نوزع مهام
اولا : نعلن عن الفكرة بين اكبر عدد ممكن من المدونين سواء مصريين او عرب
ثانيا : ننشئ موقع نضع فيه اسماء المرشحين للمنصب " النقيب " ونختار بشكل ديموقراطي
ثالثا : نختار نقيب ونائبه وناطق مثلا وشوية مناصب اخري ماسعدة
رابعا : نطرج ميثاق للمناقشة ونبت فيه ونخرجه للنور
خامسا : نقيم موقع رسمي يمثل النتائج التي وصلنا لها
سادسا : نخرج اول بيان رسمي لنا يعلن عن ميلاد حركة المدونين ونبدا باستقبال عضويات
سابعا : نتصل بكل وسائل الاعلام وانا عل ياستعداد القيام بهذا لاني امتلك فيه خبرة وننشر بياننا الرسمي ونبدا نحادث الاعلام والعامة ونعلمهم بوجودنا
ثامنا : نضع لائحة تنظيمة لادارة عمل النقابة وكيفية الانتخاب ...الخ
تاسعا : ننظم اعمال دورية سواء علي النت او في ارض الواقع من ندوات ومؤتمرات ومحاضرات
عاشرا : نكون كونا اولحركة ثقافية جقيقة في الشرق الاوسط مؤسسة علي بيئة وحضارة واصول ننتمي لها جميعا بلغتنا العربية وبفهمنا ذي الاصالة
نقدم الفهم الليبرالي والاصولي والاشتراكي ..الخ
من خلال حركة تعلم الناس كيف تشارك في بناء مجتمع دون ان يفتك بعضها ببعض
الان
من مستعد للبدء بالخطوة الاولي ؟
انا كنت بفكر ببذل بعض الجهود الذاتيه المتواضعه بس كانت مجرد مجهود فردى اعتقد دلوقتى الموضوع ممكن يبقى افضل لو ساعدنا بعض
ومش شرط تكون نقابه
يكفى اننا نعمل بلوج مشتركه هنا فى امكانيه ان اكثر من شخص يبقى ليهم حق الدخول لنفس المدونه اعتقد ممكن نختار شخصين او ثلاث يبقوا هم المسؤولين عن البلوج واللى تختاروه انا موافقه لانى بصراحه معرفش حد............ انا طقيت من اللى بيحص حواليه وقرف وزهقت فوق ماتتخيلوا ولولا انى مابقتنعش بالمظاهرات كاسلبو حضارى انا كمان زمانى بتظاهر ف الشوارع من 5 سنين فاتوا... فياريت يا جماعه ماتكسلوش عن الموضوع وتبتدوا وانا معاكم بكل اللى اقدر عليه صديقه ليه اقترحت اقتراح ظريف بانى ممكن اعمل شعار للجماعه وانا موافقه وهبتدى بالخطوه دى بس ياريت تقولوا اما اخلصه ابعته لمين والا اعمل ايه؟؟؟؟؟؟؟؟
الفكرة حلوة جدا جدا جدا
و أنا معاكو لى طول و على عرض
انتو بس اطلبو.. و أنا أنفز.. و على العموم أنا قلت لأصحابى المدونين كلهم.. و كلم معانا برده.. و كمان كتبت موضوع عنكم على البلوج بتاع.. لأن أنا متحمسة قوى
بس أنا عندى إقتراح نبدأ بيه.. أهم حاجة المشاركين.. فأنا شايفة اننا الأول نكتب شئ يلخص أهم الخطوط العريضة للفكرة.. و نبعتها لكل البلوجز المصرية.. مثلا فى مكان التعليقات
و ندعوهم للمشاركة بإنهم يتركو اسمهم و موافقتهم للانضمام و كمان عنوان نتواصل به معهم..
و بعدهها نبدأ فى إننها نعمل عميد البلوجات.. * يعنى أنا بقترح نسميه عميد.. لا عمدة.. و لا رئيس*
بس بقى.. و نقسم الناس بعد كدة.. و بعد ما نثبت وجودنا على الانترنت.. نبدأ نعلى أكتر و نتواصل مع الاذاعة و التلفزيون..
بس فى حاجة مهمة.. لازم تتضمنو بند ان كل واحد مسؤل عن آراءه لوحده..
أعنى لأن مافيش أى حاجة بتجمع المدونين .. لا دراسة.. و لا بعد اجتماعى.. و لا عمل.. و لا سكن.. و لا فئة عمرة.. ولا أى حاجة غير اننا مدونين..
يبقى أكيد أكيد هيحدث أنواع كتيرة و مختلفة من الصدام فى ما بيننا.. و إخلافات كتييير جدا فى طريقة التفكير و عرض المواضيع..
يبقى كل واحد مسؤل عن رأيه فقط لا غير...
و دمتم لى على كل خير
طيب
انا كدة بديت اشوف نوع من التجمع والتاييد للفكرة نفسها
انا طبعا اؤكد ان انشاء نقابة للمدونين لا تعني انها تحتكر اراءهم
اللائحة ستحدد ما هو شكل النقابة
بالتاكيد الهدف من هذه النقابة او الجميعة هو تشجيع حركة التفكير في المجتمع
وبالتالي لا يمكن ان تكون النقابة المكونة من هؤلاء تقوم هي الاخري بالحجر عليهم
فدي مفهومة طبعا
ولذا اطمئن لست ادري الي اننا كلنا فاهمين الموضوع ده
موضوع عميد مش نقيب ده امر برضك سابق لاوانه
اما ردا علي az فاقول ان الافكار التي طرحتها جيدة جدا
الان نحتاج الي مكان نجتمع فيه اصلا ونقول فيه احنا ممكن نخرج من الموضوع ده بايه
رامي حط رابط لمدونة وسماها النقابة
ياتري هل حنحتاج فورم عشان نبدا نتكلم فيه اصلا لحد منكون صورة اساسا للي عاوزينه يكون ثم نضع خلاصة ما اتفقنا عليه في مدونة النقابة ؟
الشعار حيكون مهم ..او اللوجو ..وخلينا نعمل فيه مسابقة ونختار اكثر شئ يمثلنا واللا ايه رايكم ؟
طب حقوللكم حاجة انا حكون فورم فورا واحط الرابط ليه
وتعالوا نلم الناس فيه عشان نتناقش في الفكرة اصلا
ونجيب اكبر عدد ممكن من الناس
من المدونين طبعا
حروح اعمله واجي
عم رامي ..الحاج محمد فين ؟
مش سامعله حس
شكرا بفكر فيه والله من شهور .....
و كده انا اقدر ابدا بيكم يا شباب ..
انا امتلك شركه استضافه ده غير انى كمان مصمم مواقع ... يعنى كل حاله محلوله باذن الله .. هو مشروعى كان بالضبط عباره عن موقع بيقدم خدمات استضاغه مجانيه لمدونات .. و هو بيحتوى على مدونه كبيره بتاخد من المدونات العربيه سواء المستضافه عندنا او اللى مشتريكيين معانا .. طبعا مع حاجات تانيه ..مش لازم اكشف كل ورقى..
والله انا مستعد تماما انى ابدأ المشروع دا من الان
ياريت نبدا الكلام فى المشروع بجد.
شكرا
رامي
الناس سخنت يا رامي :)
مستنييك يا باشا وياريت تجيب معاك محمد وافريكانو في سكتك الله يكرمك
انا كدة محتاس
انا حطيت شوية افكار واعتقد انه حان الوقت نبدا نحط لايحة ونختار موقع لنقاشه ولو عليالمؤقت اللي انا عامله ده ...واما البلوج بتاع النقابة اللي انت جهزته فده نخليه موقع يبدا عمله لحد منتفق حنعمل ايه
ويشترك في تدوين موقع النقابة كل الاعضاء بيحث يكون مصب لكل الافكار بعد منعلن انشاء النقابة او الاتحاد او ايا كان المسمي
فعلاً الفكرة سخنت... وفأل حلو أنّها سخنت يوم ميلادي (الذي تلوّث مؤخراً بكونه يوم سقوط بغداد).
ولهذا السبب وحده لم أستطع الرد، فأنا كُنتُ ممنوعاً من التدوين بالأمس بأمر شبه عسكري :) :)
أراكُم غداً
السلام عليكم
هو الاخوة والاخوات اللي دخلوا المنتدي المؤقت , احنا دلوقتي بس بنجمع الناس عشان النقاش يكون فيه اكبر عدد ممكن من الناس ان شاء الله
بقولك ايه يا رامي ...هو محمد مش ظاهر ليه ...وهل ممكن تعلم افريكانو بالموضوع ايضا واي شخص اخر ممكن يكون متحمس للفكرة ؟
أنا كمان أشجع الفكرة و أرجو أنها تكون حاجة مشرفة و يحدث فيها تداول للسلطة (للي يقدر و يعوز) و إنتخابات حرة و ديموقراطية و يكون عندنا دستور كمان يا سلام دي ممكن تبقى الدوله المثالية و أهو اللي مش بنقدر نعمله في بلدنا نعمله في مدونتناو اللي ملوش أهل المدونة أهله
لتوضيح الصورة قمت بطرح هذا التصور
أهداف النقابة - من وجهة نظري -
1. خلق كيان يدافع عن حقوق المدونين التعبيرية وغيرها من حقوق انسانية تتعلق بمسالة التدوين ومنها حق التعبير وحق الكتابة والتاليف وحق ااتأثير في مجريات الامور من صميم رؤيتهم وكتاباتهم
2. تكوين واجهة لثقافة جديدة تطرا علي المجتمع العربي بشكل عام ومصري بشكل خاص مم قد يدعم بدايات التفكير الحر والذي سيفرز بدوره تأثير ايجابي علي المجتمع وتفاعله مع قضاياه الاساسية
3.توفير او المساعدة علي توفير منابر للمدونين مثل تأليف الكتب وانشاء قنوات اذاعية وتلفزيونية ودعوة الي ندوات وغيرها من وسائل التأثير الاعلامي
4.تحويل حركة التدوين الي موجة ثقافية يمكن ان تؤثر بشكل تفاعلي مع جيل كامل من الشباب والذي انحصر دوره في احد القوالب الاتية " تافه , قائد , تابع "
5. النقابة لا تؤثر في طريقة وحرية تفكير اعضائها فهي بخلاف كل النقابات تقوم علي حرية الفكر اساسا , وبالتالي لا ينبغي لها ان تتبني موقفا مثلا وتفرضه علي سائر المدونين ولكنها تستطيع ان تحمي حق المدونين في التعبير عن ارائهم وعدم التعرض لأي نوع من البطش او الكبث او العقاب
6. النقابة يمكن ان تمثل كيان يسمح للمدونين من نقل ارائهم كتكتل قد لا يصل اساسا لانهم افراد مبعثرين خاصة في القضايا الحساسة الاجتماعية او السياسية او الثقافية التي تمس المدونين كمدونين او كسائر فئات المجتمع
7. يمكن للنقابة ان تطالب ببناء او حجز مبني لها يسمح لاعضائها بالالتقاء وممارسة انشطة مختلفة وعقد ندوات ..الخ
طريقة انتخاب النقيب ومجلس النقابة :
هذه مسالة اجتهادية بحتة
فمثلا ....يمكن ان نقول سنتين لا يتم تجديدهم للنقيب المنتخب , ومجلس النقابة يكون مكون مثلا من خمس اعضاء كلهم يتم انتخابهم مع التقيب ويمكن التجديد لهم فترتين فقط ..مثلا
النقيب ومجلس النقابة يمثلوا تكتل المدونين ولكن لا يمثلوا اي راي سياسي او ثقافي او اجتماعي ..اللهم الا حرية التدوين والفكر بشكل عام
فلا ينبغي لاي نقيب واعضاء مجلسه ان يمثل التيار الاسلامي او الليبرالي او الاشتراكي او غيره ..بل هو فقط يدافع عن حقوق المدونين ويحقق الاهداف السابق ذكرها ..لكنه لا يتحدث باسم النقابة ...بل معبرا عن نفسه كمدون فقط
النقابة تسعمي لخلق مشاريع ثقافية تعين علي حرية الفكر فتكون حركة التدوين بمثابة بداية تحويل الطاقة الفكرية العالية لدي المدونين الي مشاريع عملية تؤثر في المواطن العادي من ناحية تفاعله مع مبدا التفكير
يجب ان نعلم ان حرية التفكير تفرز الاتي :
1. حرية المحاسبة والنقد والملاحظة وتلك هي اعمدة اي ثقافة غير ديكتاتورية او طاغوتية
2. الابداع والاختراع والتجديد والتطور وحل المشاكل
3. تخلق نوع من العدالة الذي يؤدي الي سلام اجتماعي يكون بمثابة صمام امان للقضاء علي كل اشكال الظلم والتطرف العنف
دي كلها اقتراحاتي
ولكم الميكروفون
Post a Comment
<< Home